掃呢頁CODE去手機

2016年1月28日 星期四

邱淑貞母女檔扮靚 [壹週刊 - 1351] __,邱淑貞,M1,

十四歲囡囡已經同自己一樣高,保溫杯隨身嘅邱淑貞依然保養得宜。同你吟一吟邱淑貞母女檔扮靚如果唔計所謂繼後香燈呢一點,現世代生女絕對比生仔好!細個可以同佢扮靚,大個咗,女十居其九會比仔顧家,結埋婚仲多半邊仔,唔再係舊式想法,女係蝕本貨。對幫老公沈嘉偉生咗三個都係女嘅邱淑貞嚟講,更加!大女沈月先得十四歲,未有耐做外母,不過,沈月就絕對夠秤同媽咪交流切磋扮靚。早個禮拜,邱淑貞專登等埋沈月放學,再一齊去咗銅 ...


十四歲囡囡已經同自己一樣高,保溫杯隨身嘅邱淑貞依然保養得宜。

同你吟一吟

邱淑貞母女檔扮靚

如果唔計所謂繼後香燈呢一點,現世代生女絕對比生仔好!細個可以同佢扮靚,大個咗,女十居其九會比仔顧家,結埋婚仲多半邊仔,唔再係舊式想法,女係蝕本貨。

對幫老公沈嘉偉生咗三個都係女嘅邱淑貞嚟講,更加!大女沈月先得十四歲,未有耐做外母,不過,沈月就絕對夠秤同媽咪交流切磋扮靚。

早個禮拜,邱淑貞專登等埋沈月放學,再一齊去咗銅鑼灣 l.T旗艦店掃貨。喺黃竹坑香港加拿大國際學校( CDNIS)讀書嘅沈月,已經同媽咪一樣高,無論樣同身形,都盡得邱淑貞真傳;兩母女沿途有講有笑,零代溝!

生女仲有樣好,只要 keep到吓,隨時兩母女當姊妹扮,幾爽呀!呢一點,邱淑貞綽綽有餘!

聽見媽咪話有記者影相,沈月擰轉頭望鏡,笑!

去到 I.T自己地頭,著住校服嘅沈月除低外套。

另一日,鍾意同大女行孖咇嘅邱淑貞,做完瑜伽再去太子大廈 Oliver's上糧,沈月就留喺車等媽咪。

撰文:八珍


鍾意就快D Share啦!