掃呢頁CODE去手機

2016年1月28日 星期四

前妻同老公傾和解 有餡葉翠翠啜爆金魚街 [壹週刊 - 1351] __,翠翠,葉翠翠,M1,

週一(25日)晚,葉翠翠偕老公Raymond到金魚街買卵石布置魚缸,二人有商有量,連尺寸都一絲不苟。娛樂偵訊前妻同老公傾和解 有餡葉翠翠啜爆金魚街去年7月,葉翠翠與建築師老公周曉東Raymond結婚,偏偏遇到老公離婚八年的前妻GraceLam贈興,排快期向法庭入禀要求加生活費,雙方對簿公堂。據知,法庭安排二人週二(26/1)傾和解,拆掂有轉機,葉翠翠亦傳來造人成功好消息。週一(25日)晚,心情靚爆 ...


週一( 25日)晚,葉翠翠偕老公 Raymond到金魚街買卵石布置魚缸,二人有商有量,連尺寸都一絲不苟。

娛樂偵訊

前妻同老公傾和解 有餡葉翠翠啜爆金魚街

去年 7月,葉翠翠與建築師老公周曉東 Raymond結婚,偏偏遇到老公離婚八年的前妻 Grace Lam贈興,排快期向法庭入禀要求加生活費,雙方對簿公堂。

據知,法庭安排二人週二( 26/1)傾和解,拆掂有轉機,葉翠翠亦傳來造人成功好消息。週一( 25日)晚,心情靚爆的她孖老公到旺角金魚街買水藻,二人連體嬰黐到實,男方更連環攬啜戴罩翠翠,好肉緊。

金魚街格價

老公與前妻的官司拖拖拉拉,不過葉翠翠夫婦卻未有受影響,近日更傳造人成功,但因未夠三個月唔講得。

週一(一月二十五日)晚,老公 Raymond與前妻傾和解前夕,戴口罩的翠翠心情大好同老公到金魚街買水藻;二人穿黑色情侶外套,由街頭行至街尾逐間格價,做人妻後,慳得就慳。現場所見, Raymond對老婆呵護備至,幫手除安全帶,全程拖實,矜貴過女王。其間,又忍唔住兩度攬啜老婆面珠, sweet。

「翠翠同 Raymond結婚後一直不設防,翠翠都三十四歲,有仔趁嫩生,又可以俾退咗休嘅爸爸湊吓孫有寄託,仔女都冇所謂,生完就收工。為咗一擊即中,翠翠一直有中西醫合璧調理身體,原來真係 work!不過就算有咗都唔可以講,有風水師傅提過佢,未到五、六個月,都要收埋。」葉翠翠身邊人說。

揀金魚期間,翠翠和老公一直拖住手未放開過,嚟緊家中將有新成員加入,恐怕再冇乜二人世界。

有傳翠翠造人成功懷胎三月,當晚記者發現 Raymond連安全帶都幫老婆除,服侍周到。

行街期間, Raymond忽然忍唔住啜了老婆兩啖,新婚半年仍然激情。

前妻有得傾

要養多個人仔,就要努力賺錢。去年 Raymond前妻 Grace Lam,排快期向法庭入禀要求前夫把生活費由二萬元,加至四萬六千元,再組新家庭的 Raymond當然拒絕。官司纏擾接近一年,近日在法庭調停下,雙方於下月初上庭前見調解員,嘗試和解。

週二(二十六日)上午,記者發現 Raymond與前妻前後腳由律師陪同,到中環一商業大廈見面。

「 Grace同 Raymond○九年離婚,依家同個靚仔鬼佬廚師一齊,本來相安無事,但自從 Raymond同葉翠翠拍拖嘅消息出街後, Grace就提出話要加生活費。又試過無厘頭出律師信 send去無綫俾葉翠翠,向 Raymond追錢,搞到全公司知道原來葉翠翠男友結過婚。依家佢肯坐低傾,可能係諗通咗!」知情人說。

記者曾聯絡葉翠翠,但她只以短訊回覆:「不好意思,很多事情不方便講。」

週二( 26日)上午,翠翠老公及前妻 Grace Lam(綠衣者),到中環見調解員,有望下月初上庭前拆得掂,無須再打官司。

約黃昏六時,收工後的葉翠翠到中環接走老公,但未知和解結果。

去年 7月,新婚 5日的葉翠翠陪 Raymond就前妻要求增加生活費一案上庭,當時葉以行動力撐老公:「我哋會握實對方隻手,一齊面對。」好感動。

日前,記者拍得葉翠翠獨自到金鐘睇中醫,並帶走一包藥。據知她在婚前已中西醫合璧,務求調理好身體,一擊即中生完收工。

一擊即中

預咗要做媽咪的葉翠翠,同老公結婚半年極速有 B!但都不及天后陳慧琳,為咗喺四張前搞掂收工,決定採取人工受孕,仲要大方認,冇人夠佢勁!

陳慧琳

08年 10月與拍拖多年的劉建浩結婚,翌年 2月便宣布懷孕三個月,現時 Kelly的兩名公子「蝦餃仔」劉昇及「小籠包」劉琛分別 6歲半及 3歲半,兩兄弟都係人工受孕。

李蘊

24歲的李蘊去年 6月與內地富二代羅章冠秘密註冊,本月初在海南島補擺酒,日前李蘊出席活動時,已經佗住五個幾月猴 B!

鄭希怡

14年 9月 Yumiko與化妝師老公 Andy在港補擺喜酒, 11月公布有喜三個月,她曾誇口表示「 BB意外一擊即中」,囡囡「梁浸浸」梁子柔已有 9個月大。

撰文、攝影、攝錄:娛樂組


鍾意就快D Share啦!