北海道大風雪，林峯同千語 BB冇有怕，雪裡雪裡去，如期出發。
娛樂偵訊
大風雪冇有怕 林峯千語 BB北海道滑雪
林峯同千語 BB又出埠
即將在紅館舉行三場個唱的林峯，趁住有幾日空檔，唔理札幌大風雪，都要孖住千語 BB去滑雪；今次還約埋細佬同佢女朋友，兩 pair人去。出發當日，千語 BB同林峯前後腳到機場，見到記者，千語 BB面燶燶，即刻拎起電話，通水俾男友。
口罩遮素顏
去北海道滑雪，幾乎是吳千語同林峯每年冬季的指定動作。即使當地有大風雪，唔少地方吹到冧樹冧燈柱停電又封路，都無阻二人決心，如期出發！
「嚟緊幾個月阿峯要做演唱會，冇時間出埠，所以今次就算得幾日空檔，都照去，本來打算去四日，不過阿峯有嘢做會早一日返，千語同細佬佢哋就留多一日。」林峯身邊人透露。
上週一（一月十八日）早上八點，戴住口罩的千語 BB單拖到機場，一個人推住兩喼行李的她先自行 check in。發現記者後，千語 BB面色馬上一沉，跟住拎起電話，通知男友。
辦完登機手續後，冇等埋林峯到的千語 BB先入閘，閘口保安要求除低口罩，冇化妝的千語 BB下意識兩頭望，之後快手拉低口罩，等保安認完樣，快閃入閘。
餅印一樣
時間啱啱好，千語 BB入閘後，林峯和細佬一 pair就出現機場。孭住滑雪裝備的林峯，見到記者笑晒口。睇真啲，林峯細佬林逸洺簡直同初出道、《尋秦記》中的闊鼻扁面矇豬眼的林峯，餅印一樣。
因為演唱會積極操肌，搞到受傷的林峯當日要用護腕包住右手，搬行李亦只可以用左手。辦完手續，林峯入閘前主動讚記者消息靈通：「咁犀利嘅！（整親隻手？）好小事啫！」
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
