2016年1月14日 星期四

古天樂掟一億拍《迷城 2》 郭采潔繼續坐正 [壹週刊 - 1349] __,郭采潔,古天樂,M1,

去年古仔與郭采潔拍阮世生執導的《巴黎假期》,雖然套戲是寰宇科水開拍,但卻是古仔引薦女友演出,兩人不避嫌在巴黎親密,寓工作於拍拖。探熱針古天樂掟一億拍《迷城2》 郭采潔繼續坐正45歲古天樂有錢靚仔又多頭髮,大把女人輪籌做樂嫂,中港台三地,古仔近年口味偏向「台菜」;過去兩年,旗下的「天下一」電影公司,已先後有三部戲由緋聞女友郭采潔孭正女主角。據知古仔有份投資、由林嶺東執導的億元製作《迷城2》,除了人妻 ...


去年古仔與郭采潔拍阮世生執導的《巴黎假期》,雖然套戲是寰宇科水開拍,但卻是古仔引薦女友演出,兩人不避嫌在巴黎親密,寓工作於拍拖。

探熱針

古天樂掟一億拍《迷城 2》 郭采潔繼續坐正

45歲古天樂有錢靚仔又多頭髮,大把女人輪籌做樂嫂,中港台三地,古仔近年口味偏向「台菜」;過去兩年,旗下的「天下一」電影公司,已先後有三部戲由緋聞女友郭采潔孭正女主角。據知古仔有份投資、由林嶺東執導的億元製作《迷城 2》,除了人妻胡杏兒,郭采潔亦繼續坐正成為古天樂的不二選。

識做自動隱形

要做古天樂女友,其中一項先決條件是識得自動隱形。有指因為拍微電影《誰是你的菜》,古仔同郭采潔撻着,女方更為此同前度楊祐寧斬纜。雖然成為男神頭寵,但對二人的花邊新聞,郭采潔幾乎絕口不提,完全符合「神秘樂」的要求,得寵程度更加有升冇跌。

識趣聽話有獎賞!今年中將開拍,古仔有份投資兼擔正的《迷城 2》,亦預埋郭采潔。

「因為有大量動作,預計製作成本要億計,上年《迷城》上畫嗰陣,古仔已經叫林(嶺東)導籌備《迷城 2》,雖然套戲仲有其他老闆,但其他投資者都好聽古仔講,製作同搵演員都幾乎係佢話晒事。呢套主線係古仔同張孝全,上集冇乜女角,今次刻意加番兩個女仔,古仔話冇咁 dry,一個係胡杏兒,係蕭定一揮返嚟嘅,另一個梗係 Amber(郭采潔)啦。」知情者說。

14年古仔與郭采潔拍微電影《誰是你的菜》一撻即着。

去年古仔有份投資及擔正的近億製作《迷城》,口碑不俗。據知預計年中埋位的《迷城 2》,余文樂將被飛,而張孝全(下圖)則有得留低。

鍾情台灣妹

自從二人搭上後,古仔過去已先後開了三部電影給郭采潔擔正,包括去年的賀歲片《衝上雲霄》電影版、張家輝再執導的《陀地驅魔人》,還有和吳彥祖、張孝全合作,未上映的《天火》。

「古仔覺得 Amber演戲好用心,所以俾多啲機會佢。 Amber性格開朗又識氹人,佢間唔中會買啲無無謂謂嘅小禮物氹古仔;講真,台灣女仔氹人功夫比北方佳麗仲高明,港女更加唔入流,所以近年同古仔傳緋聞嘅女星,都係來自寶島!」知情人說。

有男友古仔照住,郭采潔不愁冇戲拍。去年夥張學友、蔡思貝拍張家輝執導的鬼片《陀地驅魔人》。

早前郭采潔與張孝全拍林嶺東執導的新片《天火》,又係古仔公司揼錢的。

自 14年傳出戀情後,古仔即安排郭采潔拍自己有份投資的《衝上雲霄》電影版,與張智霖談情。

古仔近年致力開戲做老闆,日前開鏡拜神的《使徒行者》電影版,他亦是投資者兼主角之一,仲搵埋老友吳鎮宇及張家輝演出。「釘姐」阿佘梗唔少得,只可惜「爆 seed」林峯就冇份。

闊佬男友

有錢就有面,但有錢得嚟對女人又手鬆的,就可遇不可求!闊綽到科水開戲捧女友做主角,更加不可多得。

向華勝、張敏

已故的向華勝,當年與張敏拍拖期間,公司每逢開戲,例必搵女友做主角,由《賭神》、《鹿鼎記》、《逃學威龍》等,合作對手包括周潤發、李連杰、周星馳、劉德華,全部當時得令,直至 95年張敏淡出香港影壇。

王海峰、林嘉欣

01年林嘉欣由台灣來港發展,身為電影公司老闆王海峰女友的她,得男友掟錢力捧,夥拍張學友的處女作《男人四十》,更連奪金像獎「最佳新演員」及「最佳女配角」。

劉岩、秦海璐

與億萬富商劉岩拍拖逾十二年的秦海璐,近年所拍的電影大部分都是男友科水投資, 11年劉岩更開水喉,讓女友執導新戲《我不是北京人》。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...