掃呢頁CODE去手機

2016年1月14日 星期四

出雪櫃 麥明詩簽五年終於有糧出 [壹週刊 - 1349] __,麥明詩,M1,

雖然有糧出,不過麥明詩都要慳住使,跟朋友排隊食澳牛。娛樂偵訊出雪櫃 麥明詩簽五年終於有糧出十優港姐冠軍麥明詩候選期間人氣爆燈,更成為15年度搜尋人物排行榜第三位,無綫咬住唔放,要求簽十年長約,有意從政做娛圈純玩的她還價兩年,雙方拉鋸四個多月,每月得一千六百蚊車馬費的麥明詩終肯讓步,甘願被綁五年。自此有糧出,唔使再問屋企攞錢。執番靚個樣上週二(一月五日),鬥完靚攞埋獎即鬆懈,搞到殘爆凸腩的麥明詩,上 ...


雖然有糧出,不過麥明詩都要慳住使,跟朋友排隊食澳牛。

娛樂偵訊

出雪櫃 麥明詩簽五年終於有糧出

十優港姐冠軍麥明詩候選期間人氣爆燈,更成為 15年度搜尋人物排行榜第三位,無綫咬住唔放,要求簽十年長約,有意從政做娛圈純玩的她還價兩年,雙方拉鋸四個多月,每月得一千六百蚊車馬費的麥明詩終肯讓步,甘願被綁五年。自此有糧出,唔使再問屋企攞錢。

執番靚個樣

上週二(一月五日),鬥完靚攞埋獎即鬆懈,搞到殘爆凸腩的麥明詩,上午十一點已經由漾日居屋企,去到北角木星街一間美容院扮靚。

「 Louisa(麥明詩)落實簽 TVB後,樂大媽(易玲)第一時間叫佢減肥,起碼要減八至十磅,因為嚟緊安排咗佢試鏡推佢拍電影; Louisa都唔敢拖,即刻積極番,除咗減肥,仲要搞番靚啲皮膚。」知情者說。

扮靚一粒鐘,麥明詩離開美容院搭港鐵過佐敦,當日她約了個 TB打扮的朋友去食「澳洲牛奶」,午飯時間大排長龍,二人在門口邊吹水邊等位,之後坐低食唔夠廿分鐘,再轉場到附近的「仙跡岩」食紅豆冰繼續傾。

澳牛經常逼爆,麥明詩跟朋友速食完即走人。

決心在娛圈搏殺,麥明詩趁未開工,到晨琦坊扮靚做中藥 facial。

醫完肚,她到新蒲崗工廠區上演技班,跟蝦頭學戲。

改例縮皮

據了解,麥明詩跟同是港姐出身的陳凱琳、蔡思貝一樣待遇,起薪點接近三萬,但無綫去年改例,取消港姐在任期間的一萬元月薪,變成一年兩萬蚊車馬費;因此,除非當選後立即簽約,否則大部分時間接慈善 job的港姐,要接到廣告和商演,才有收入。

「由十年開始,拗到八年, Louisa都唔肯落筆,大台都係一貫做法,唔聽話就冇嘢俾你做,所以 Louisa除咗出席慈善活動,就冇其他,反而季軍(郭嘉文)好快簽咗約,所以乜都俾晒佢做。呢四個幾月, Louisa靠以前幫學生補習嘅積蓄,屋企亦有幫補吓。」知情者說。

食飽傾飽後,麥明詩孖住朋友搭港鐵到鑽石山,出站後再行十分鐘到新蒲崗工業區,原來給自己五年時間做娛樂圈的她,報讀了蝦頭楊詩敏親授的演技班,一堂二千蚊,賣咗身,十優麥明詩重燃戰意,唔再求其!

當選港姐後,出席的大多都是慈善活動,她也只收車馬費。

早前為《慈善星輝仁濟夜》表演,出晒力擘腿狂跳,原來都係冇錢落袋。

二月要選華姐,開始勤力 keep fit的麥明詩,狀態愈來愈好。

陳凱琳雖備受力捧,但依然公開跟鄭嘉穎的父女戀,非一般港姐。

蔡思貝得張家輝睇中,首部電影做女一,不過牽涉假學歷事件,自動波請假一個月避風頭。

籌碼有大有細

港姐鬥完靚,不論有獎冇獎,十居其九都會立即賣身無綫,偏偏今屆冠、亞軍出身富貴,攞住份約拗數拗年期,同無綫死過!季軍郭嘉文冇籌碼,惟有火速就範。

龐卓欣

老豆係東驥基金管理董事總經理的亞軍龐卓欣,得獎後致力拍拖遊山玩水,至今仍未肯簽約加入「大家庭」。據悉龐家一直企硬簽兩年讓龐卓欣過吓癮,但近日麥明詩都簽埋約,龐卓欣怕扭計失機會,態度開始軟化。

郭嘉文

由參選到當選都唔起眼的季軍郭嘉文,冇後台撐,得獎後第一時間跟大台簽下八年長約。公司為展示乖港姐模範有何「好處」,立即安排郭嘉文在《廉政行動 2016》其中一個單元做女主角。

撰文、攝影、攝錄:娛樂組


鍾意就快D Share啦!