2016年3月24日 星期四

STELLAR對撼 EXID Hani 騷腿 可愛 鬥搶客 [壹週刊 - 1359] __,EXID Hani,M1,

韓國女團EXID成員Hani出席商場活動,明明係男仔頭對公仔無興趣,都做足本分攬住影相,夠晒專業。日韓到會STELLAR對撼EXIDHani 騷腿 可愛 鬥搶客韓流一直無停過,韓劇有近期大熱嘅《太陽的後裔》,K-POP聲勢好似無之前咁強勁,不過一班韓國女團並無放軟手腳,繼續攻港!週末分別有兩個單位嚟到香港出席活動,人氣女團EXID嘅王牌成員Hani出席商場騷,對撼性感女團STELLAR來港宣傳音樂 ...


韓國女團 EXID成員 Hani出席商場活動,明明係男仔頭對公仔無興趣,都做足本分攬住影相,夠晒專業。

日韓到會

STELLAR對撼 EXID Hani 騷腿 可愛 鬥搶客

韓流一直無停過,韓劇有近期大熱嘅《太陽的後裔》, K-POP聲勢好似無之前咁強勁,不過一班韓國女團並無放軟手腳,繼續攻港!

週末分別有兩個單位嚟到香港出席活動,人氣女團 EXID嘅王牌成員 Hani出席商場騷,對撼性感女團 STELLAR來港宣傳音樂會。兩隊都係韓國新一代女團,雖然無阿姐級嘅排場,不過勝在夠努力! Hani學晒廣東話, STELLAR又趴地演出,可愛同性感各有捧場客!

男仔頭扮可愛

韓國女團淨係識少女時代? Out喇!最新要記住嘅名字係 EXID, 2012年出道嘅六人女子組合,前年推出一首洗腦歌《 Up& Down》,唱到街知巷聞,加上喺綜藝節目表現出色,知名度大增。當中人氣最高嘅係 23歲嘅 Hani,跳舞了得,今次係第一次嚟到香港出席活動,吸引逾五百名歌迷到場支持。 Hani以清純格仔連身裙加頂帽現身,充滿少女味,點都估唔到原來佢私底下係男仔頭,仲鍾意 fans叫佢做「 Oppa」(韓文意指哥哥)!

Hani特別學咗一大段廣東話同歌迷打招呼,雖然有少少忘詞,不過 fans更加覺得佢得意!之後仲同 fans大玩遊戲,擺性感甫士,又親自餵粉絲吃布甸,全場 fans叫到拆天! Hani早前因為過勞同腸炎停工,不過呢日見到佢扎扎跳,似乎已經好番晒。同 JYJ成員金俊秀蜜運中嘅佢,莫非有愛情滋潤特別精神?

可以同女神背貼背影相,呢個男 fans即使要戴假髮相信都無怨言。

同一個甫士由唔同人擺,係有完全唔同嘅效果。奉勸各位女孩子唔好隨便向難度挑戰,擺女神甫士係要經過專人訓練。

贏咗遊戲可以獲得 Hani餵食布甸一啖,甜到入心。

19禁性感凸腩

韓國女團多的是,要殺出重圍絕非易事,單靠賣可愛已經唔 work。 2011年出道嘅 STELLAR做咗幾年無起色, 2014年推出單曲《 Marionette》孤注一擲,打正旗號賣性感,尺度過晒火, MV更加被列入 19禁,唔可以喺電視上播出。不過咁樣反而令佢哋喺網絡世界人氣急升,成為性感代名詞。

STELLAR四月將會聯同另外兩隊新組合 BAMBINO同 LAYSHA喺香港舉行音樂會,更加率先訪港宣傳。四位成員佳英、敏熙、孝恩、田律以黑色喱士貼身衫加熱褲出場,性感程度令人咋舌。打完招呼之後都唔使多講,直接跳番 part舞!現場演繹兩首代表作《 Marionette》同《 Viberto》,代表作嘅意思梗係非常性感,估唔到四位成員跳足全首歌,性感舞步做到足,趴地、趷籮、扭腰全部有得睇,搞到 fans同圍觀市民嘩嘩聲! STELLAR預告四月個騷會一樣咁性感,不過如果敏熙可以減一減肚腩嚿肉, fans一定更加期待!

STELLAR四位成員(左起)佳英、敏熙、孝恩、田律性感訪港宣傳,吸引超過三百 fans到場支持。

據說呢個舞步, STELLAR喺 MV入面係無著打底褲,不過現場演繹,當然唔可以去到咁盡。

喺商場大堂瞓低跳舞加踢腳,面對好多唔係 fans只係湊熱鬧嘅大叔, STELLAR完全無怯場,性感之路唔易行。

行性感都要氹 fans,偶爾好似敏熙咁扮吓可愛小兔兔, fans一樣咁受落。

撰文:關錦雯


鍾意就快D Share啦!
Related Posts Plugin for WordPress, Blogger...