掃呢頁CODE去手機

2016年4月16日 星期六

【《悠長假期》20周年】山口智子x木村拓哉姐弟戀掀VCD煲劇熱 今日變成點? __,木村拓哉,木村,山口智子,

20年前嘅今天,日劇《悠長假期》開播錄得30.6%超高收視,木村拓哉同山口智子嘅配搭成為經典,尤其山口智子甫開場着住日本傳統嫁衣硬闖入屋嘅場面亦令人記憶猶新。《悠長假期》嘅成功,造就日劇熱潮直捲整個亞洲,兩個主角發展出一段難捨難離嘅姐弟戀,打動廣大劇迷之餘,仲對今後亞洲劇集影響深遠,好似近年必爆劇集都要加入姐弟戀元素,「悠長假期綜合症候群」20年來都揮之不去。96年6月,《悠長假期》大結局曾創下3 ...




其他影片:>>






20年前嘅今天,日劇《悠長假期》開播錄得30.6%超高收視,木村拓哉同山口智子嘅配搭成為經典,尤其山口智子甫開場着住日本傳統嫁衣硬闖入屋嘅場面亦令人記憶猶新。《悠長假期》嘅成功,造就日劇熱潮直捲整個亞洲,兩個主角發展出一段難捨難離嘅姐弟戀,打動廣大劇迷之餘,仲對今後亞洲劇集影響深遠,好似近年必爆劇集都要加入姐弟戀元素,「悠長假期綜合症候群」20年來都揮之不去。96年6月,《悠長假期》大結局曾創下36.7%超高收視,把熱潮推出至高峯,瘋狂程度比大熱韓劇《來自星星的你》同《太陽的後裔》簡直有過之而無不及。由於當時互聯網尚未普及,香港觀眾要煲劇就要去信和中心搶購VCD,而傳媒仲爭住報道劇情,大結局更成為C1頭條。《悠長假期》掀起過唔少社會現象,連拍攝地都成為觀光景點。木村憑劇中年輕鋼琴家瀨名秀俊爆紅亞洲,而演葉山南嘅山口智子,更加係吸納大批同性觀眾支持,當然負責編劇嘅北川悅吏子都功不可沒,仲帶挈埋一班配角稻森泉、松隆子、竹野內豐、廣末涼子都走紅日劇界,如今個個都喺藝能界獨當一面,木村仲係日劇界天王,山口智子減產後已聲勢不再,而松隆子、廣末涼子嫁人後已榮升人母。《悠長假期》20周年,今日facebook唔少粉絲都重溫呢久保田利伸唱出嘅主題曲《LA‧LA‧LA LOVE SONG》,當年呢首歌仲搵埋英國超模納奧美金寶(Naomi Campbell)開金口合作,結果大賣逾百萬張,之後譚耀文都翻唱成廣東歌《悠長假期》,辛曉琪都翻唱成國語版。唔止主題曲,Fans連劇中插曲都唔放過,原聲大碟喺香港都曾經賣斷市。開場曲LINK

https://www.youtube.com/watch?v=i_Iv7617b5U

噚日係《悠長假期》開播20周年,近日唔少網民懷緬一番。 劇中唔少場面睇番都咁經典。
VCD煲劇年代,你睇過幾多套? 木村拓哉
山口智子 松隆子 竹野內豐
稻森泉 Ryo 廣末涼子

鍾意就快D Share啦!