日本女星瀨戶朝香曾經迷盡萬千少男，當年唔止吃香東洋藝能界，15年前同黎明合演港片《不死情謎》時都傳過緋聞，不過佢於07年閃嫁V6成員井之原快彥，現時育有一子一女，組織幸福家庭。瀨戶朝香目前專心相夫教子，過住富貴生活，一家四口住花費約2,100萬港元興建嘅豪宅，屋內包括花園及菜園，夫妻仲各自擁有名貴房車。瀨戶朝香囝囝於本月初入讚小學一年班，井之原百忙中都有抽空出席乖仔嘅入學典禮，夫妻當日執到正現身學校，面對在場嘅師生、家長都表現得笑容可掬。不過瀨戶朝香成為人妻之後，終於放低昔日做玉女keep住slim嘅包袱，是日見朝香為丈夫撐傘時，還不自覺地露出幸福雙下巴。家陣朝香專心做賢妻良母打理家頭細務，成個月冇更新網誌，上個月佢就以一身和服Look出席兒子嘅幼稚園畢業禮，不禁令人懷念其幕前演出。
來源 source: http://hk.apple.nextmedia.com
|
鍾意就快D Share啦！
|
|
|
