朱智賢樣靚身材正，依家先上位，嫌佢遲添呀！
無綫主播朱智賢（Ashley）近月因為着泳裝亮相旅遊節目彈出，32C索爆身材俘虜大批宅男。最近佢就同班Friend去咗泰國旅行，唔知係咪晒開有條路（指晒身材咋），佢喺異地繼續晒料，43吋白滑長腿更加係長到嚇死人！
擁有32C、23、35索爆身材嘅Ashley，2013年參選港姐嗰陣一度係熱門，可惜最後無功而回。直至上個月，她着泳裝亮相J2旅遊節目《3日2夜》，再次勾起網友「心跳回憶」，被封新咪神。短短一個月間，Ashley嘅Instagram暴升逾萬個Fans，每上載一張相都有成千個Like，小編都好想有這些機會呀！
事業好先嫁人
講番Ashley嘅泰國之旅，其實今次佢係參加即將出嫁嘅女友人嘅婚前狂歡派對，幾個女仔換晒泳衣晒日光，Ashley雖冇Close Up佢條事業線，但超長腿同纖腰已足夠令Fans心心眼。
佢仲同班Friend扮公主開P，期間仲吸引到外籍人士搭訕添。佢話：「佢話見到我朋友頭上有皇冠所以走埋嚟，但我哋話佢老公喺酒店，佢以為我哋同行有男人，即刻無奈咁速閃。」Ashley又自認對婚姻有憧憬，但就暫時事業為先，希望做啲成績出嚟先嫁人咁話。
晒胸唔使多
Ashley又直認工作量大增，仲開始有機會拍劇添：「好開心多咗客戶賞識，近排出街都多咗人認得，去食嘢、搭車有市民叫到我個名同要求合照。」談到Ashley近期甚少上載騷胸相，反而多數晒腿，她就笑言：「巧合啫！不過都唔想晒胸晒得咁密，咁長腿都係優點吖嘛！（夏天會接泳衣騷？）唔抗拒嘅，最緊要意識健康。」
來源 source: http://hk.on.cc
|
鍾意就快D Share啦！
|
|
|
