2016年4月29日 星期五

拋開有條路?謝婷婷再玩性感露波底 __,謝婷婷,婷婷,

婷婷呢個打扮,真係春光無限。藝人謝婷婷出席活動,穿上露腰裙、輕露南半球的她,雖然正面冇乜睇頭,但係擰側身影合照嗰陣,個南半球即時勁「3D」,噴血程度爆燈。婷婷坦言係真空上陣,只係貼咗膠紙。佢透露會買手袋同埋首飾送畀媽咪狄波拉做母親節禮物,但就話媽咪其實最希望自己多啲時間陪佢。問到媽咪會否最想佢帶男朋友返屋企?婷婷笑言:「我諗佢要等多幾個母親節,都好合理,冇理由男友都未有就帶女婿(返屋企㗎)。」強調 ...


婷婷呢個打扮,真係春光無限。

藝人謝婷婷出席活動,穿上露腰裙、輕露南半球的她,雖然正面冇乜睇頭,但係擰側身影合照嗰陣,個南半球即時勁「3D」,噴血程度爆燈。

婷婷坦言係真空上陣,只係貼咗膠紙。佢透露會買手袋同埋首飾送畀媽咪狄波拉做母親節禮物,但就話媽咪其實最希望自己多啲時間陪佢。問到媽咪會否最想佢帶男朋友返屋企?婷婷笑言:「我諗佢要等多幾個母親節,都好合理,冇理由男友都未有就帶女婿(返屋企㗎)。」

強調單身

她強調目前單身,又話平時被拍得一同外出嘅男友人只係朋友,更笑言:「有一個朋友同我出親街都會特別打扮,因為知道有機會畀人影。」問到會否約哥哥謝霆鋒一齊食飯慶祝母親節?佢就話:「佢好似拍緊《12道鋒味》,我都好想見佢。我見得最多係爸爸(謝賢),爸爸依家拍緊劇。(有冇去探班?)未,我呢排忙緊,佢有send相嚟。我未喺現場睇過佢做戲,都想睇。(想唔想同爸爸一齊拍?)當然想。」

自嘲沉悶家庭

另外,問到希唔希望一家人參與真人騷?佢笑言:「有諗過,不過我一家人講嘢都唔有趣,應該唔會好睇。」另外,提到黎明演唱會因牌照問題臨時取消首場演出,她坦言都好希望睇對方演唱會,仲話自己識得唱好多黎明嘅歌。

全家都係黎明粉

問到會唔會怕冇機會睇?佢話:「希望批番(牌照),我見場地都起晒,應該有機會嘅。佢咁好人,一定好多人幫佢。」她又表示小時候曾經同哥哥睇過黎明拍MV,仲話全家都會唱黎明嘅歌。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...