2016年5月19日 星期四

發哥開季擦榴槤 [壹週刊 - 1367] __,發哥,周潤發,M1,

一齊去做運動,發哥發嫂仲要著埋情侶黑。同你吟一吟發哥開季擦榴槤五月十八日,係「山路王」周潤發61歲生日,八珍在此祝發哥身體健康!HappyBirthday!新作《寒戰2》七月暑假檔上,星期日(十五日)喺旺角麥花臣球場打破selfie世界紀錄,為電影造勢嘅發哥,嚟緊仲要返內地跑宣傳,有排忙。二五話平日行山當開工嘅發哥,雖然習慣自己通山跑,但每個星期都會抽一日,同老婆一齊去做啲肌肉鍛鍊,等個body嘅 ...


一齊去做運動,發哥發嫂仲要著埋情侶黑。

同你吟一吟

發哥開季擦榴槤

五月十八日,係「山路王」周潤發 61歲生日,八珍在此祝發哥身體健康! Happy Birthday!

新作《寒戰 2》七月暑假檔上,星期日(十五日)喺旺角麥花臣球場打破 selfie世界紀錄,為電影造勢嘅發哥,嚟緊仲要返內地跑宣傳,有排忙。

二五話平日行山當開工嘅發哥,雖然習慣自己通山跑,但每個星期都會抽一日,同老婆一齊去做啲肌肉鍛鍊,等個 body嘅線條靚啲!

有日《壹》仔就撞到做完運動嘅發哥發嫂,返屋企前先落九龍城巡鋪打牙骹,之後又走咗去永富買生果。原來發哥係榴槤友,五月係食馬來西亞「貓山王」 season,老闆即場開咗個俾佢試。 Yum!打孖上,買兩個走。

注意養生嘅發哥,不時不食!

鍾意食榴槤嘅發哥,即開即食,難得啱 season,買多兩個返屋企歎;店員幫手執好車尾箱個位,俾佢放嘢。

發哥連鋪頭隻陀地貓都招呼埋。



見到發哥,不論大人細路,都要集郵, selfie王實至名歸。

發哥顧住吹水,發嫂同老公講聲,自己過去生果鋪先。

發嫂手上黐住嘅黑色膠布可以幫助消除肌肉疲勞,好多職業運動員都會用到。

今個星期日,一身 Brioni打扮嘅 selfie王,揸機三分鐘負責破世界紀錄,《寒戰 2》嘅梁家輝同郭富城就齋做 model。

撰文:八珍


鍾意就快D Share啦!
Related Posts Plugin for WordPress, Blogger...