熱爆娛樂: 好富貴　毛阿敏買七億屋　再掃十億商廈 [壹週刊

2016年5月19日星期四

好富貴　毛阿敏買七億屋　再掃十億商廈 [壹週刊 - 1367] __,M1,

娛樂偵訊

好富貴　毛阿敏買七億屋　再掃十億商廈

上月爆發「巴拿馬」洩密事件，逾百國家政要名人的離岸資產被曝光，其中包括 80年代的內地樂壇天后毛阿敏，被踢爆以七億先後購入赤柱兩幢獨立屋，由於當時她仍未有三粒星身份證，所以要多付 23.5%稅，要八億六千多萬埋單。

近日，地產界再有消息傳出，毛阿敏又再出動，搵經紀睇十億甲級商廈，樓市向下，更合富貴天后心意。

俾大億六

現年 56歲的毛阿敏，是上世紀 80年代內地樂壇天后，○三年嫁給家族身家逾百億的中植集團主席解植坤後，為對方誕下一對仔女的她，愈來愈少在幕前演出。

淡出幕前多年，但在「巴拿馬」洩密事件中，人妻毛阿敏卻被揭用離岸公司，持有兩幢位於赤柱豪盤南埼的獨立屋。一二年，她以威萬企業名義，買入售價 2.5億的三號屋；到一五年，再以她個人名義購入價值 4.5億的一號屋。

「買三號屋時政府正推出辣招，到佢用自己名買一號屋時，雖然已經攞咗身份證，但仲未夠期換三粒星，所以一樣要俾多百分之 23.5嘅稅，兩間屋加埋俾多 1.6億，不過毛阿敏諗都唔諗就扑槌，好豪！」知情者說。

南埼 1號屋

毛阿敏名下的一號屋，是該屋苑面積最大一間。

南埼 3號屋

毛阿敏用來招呼朋友的 party屋。

大單位的獨立屋露台，海天一色，好有外地度假 feel。

客廳望出去有山有水，景觀一流。

每間屋都有獨立泳池。

寫字樓全幢買

據了解，毛阿敏對幫手搵屋的地產經紀十分信任，連兩間屋的裝修都交給對方打理，大部分時間不在香港的她，只負責俾錢。

「佢呢兩間屋都係用嚟開 party招呼朋友，唔係自己住，所以裝修唔需要有屋企 feel，兩間屋有幾層又有電梯，加埋用咗五千萬裝修，總之夾埋埋單九億幾，好誇張。」

掃完大屋，毛阿敏再掃商廈。近日再有消息傳出，指她正在物色心水甲級商廈，但不是一個單位或一圈，而是全幢。

「佢睇嘅都係中環、灣仔一帶靚區，仲講明會成幢咁買！之前已經睇過一幢要十億嘅甲級寫字樓，但佢唔算好滿意，所以仲考慮緊。不過，如果真係啱，佢會好爽快，又好少講價，係個好客。」知情者說。