掃呢頁CODE去手機

2016年5月19日 星期四

台灣求婚 洪永城刨定結婚天書 娶唐詩詠 [壹週刊 - 1367] __,唐詩詠,洪永城,M1,

與唐詩詠出發台灣前,洪永城被發現在coffeeshop喪刨手上的結婚天書,離開時嘴角暗暗偷笑。探熱針台灣求婚 洪永城刨定結婚天書 娶唐詩詠拍拖年半,洪永城和唐詩詠由昔日低調,到近日男方不避嫌發表「生小朋友係我其中一個計劃」言論,雖然有指契哥馬國明一直吼住契妹,經常借故爭埋一份,但拍拖不二心的唐詩詠始終不動心,同洪永城打風打唔甩。據知,本月初洪永城同女友到台灣慶生期間,已經開咗口求婚。日前記者更發現 ...


與唐詩詠出發台灣前,洪永城被發現在 coffee shop喪刨手上的結婚天書,離開時嘴角暗暗偷笑。

探熱針

台灣求婚 洪永城刨定結婚天書 娶唐詩詠

拍拖年半,洪永城和唐詩詠由昔日低調,到近日男方不避嫌發表「生小朋友係我其中一個計劃」言論,雖然有指契哥馬國明一直吼住契妹,經常借故爭埋一份,但拍拖不二心的唐詩詠始終不動心,同洪永城打風打唔甩。據知,本月初洪永城同女友到台灣慶生期間,已經開咗口求婚。日前記者更發現他喪刨一本介紹婚宴場地、影結婚照的天書,洪永城心急做人夫,呼之欲出。

變咗住家男

比唐詩詠細超過兩年的洪永城,由旅遊節目主持,搏到上大台小生,要保一線地位,洪永城不敢再行差踏錯,被出名專一、賢慧的唐詩詠收服後,更大幅改變成住家男。

圈中筍盤難求,好女更加罕有!名花有主的唐詩詠,依然是一眾餓男目標,其中包括契哥馬國明,一直伺機出擊。有傳馬明不時出口術,勸契妹「睇定啲」。由於明知唐詩詠十分抗拒「住埋一齊」,馬明索性借力打力,經常有意無意地,不鼓勵契妹搬去同洪永城一齊住。

身邊有個計時炸彈,年尾才三十三歲的洪永城為免夜長夢多,決定盡快結束王老五生涯,與女友拉埋。

「希望可以帶詩詠睇多啲呢個世界。」又自爆:「想去亞馬遜影婚紗相。」公告天下。

事實上,洪永城唔係得把口。早前記者便發現,他一支公在西貢歎咖啡時,攞住本介紹外國搞婚宴場地,和影婚紗相十大靚景的天書,睇到津津有味。

洪永城與唐詩詠撻着年半,拍拖初期為掩人耳目,唐詩詠會搵埋谷德昭女友、閨蜜林子瑄做電燈膽。

雖然洪永城一支公去歎咖啡,但他睇結婚天書睇得好認真,事後更向記者自爆恨去亞馬遜影婚照,似乎有得着。

洪永城對唐詩詠亦算細心,去台灣前除了刨定天書,更飲住咖啡編排行程。

前年拍大台劇《載得有情人》一吻定情。

冇花照求婚

「以前嘅 Tony(洪永城)好大細路,淨係掛住打機、睇波、去旅行,唔會諗將來,亦唔會有長遠計劃。但阿 Nat(唐詩詠)改變咗佢好多,女友嘅全方位照顧,餵貓、煮飯、執屋……令 Tony明白到咁好嘅人好難搵,佢覺得自己要有膊頭,要照顧對方。」知情人說。

據了解,洪永城月初趁女友生日,已經做嘢!

為慶祝二人拍拖後女友第二個生日,洪永城提議去台灣走一轉,又花盡心思,搵定地方帶女友燭光晚餐吃分子料理,在浪漫氣氛下,冇花冇鑽戒冇單膝跪地,洪永城照開口求婚。

去年 7月本刊拍到唐詩詠到男友西貢匡湖居寓所替對方打掃及餵貓,事後洪永城公開盛讚女友「難能可貴」。

做完阿四,唐詩詠更做埋司機,載男友到西貢市中心撐枱腳,體貼到冇得頂。

慳家買平背心

「雖然 Tony都想等多兩年事業再穩定啲先置家,但佢知女友點諗,所以決定自己開口先,佢話就算阿 Nat拒絕,佢之後都可以想辦法繼續,直到成功為止!今次喺台灣求婚,其實阿 Nat冇俾答案,但 Tony睇得出,阿 Nat唔係三心兩意嘅人,拍拖更加唔會玩玩吓,所以 Tony會再搵機會(求婚)。」知情人說。

上週六(五月十四日),洪永城要開工,唐詩詠獨自揸車到中環行街,又唔怕人逼人,走入 H&M執平價背心。 Hea到夠鐘,唐詩詠再殺入西貢,出席老友 Toby梁靖琪替她補祝生日飯局。

慳家賢慧的唐詩詠更自備環保袋帶走戰利品。

上週六( 5月 14日)下午,唐詩詠在 H&M掃 180蚊兩件的平衫。

近日被指身材升級的她,主攻小背心及運動型 bra top,似乎對自己身形好滿意。

掃完貨,唐詩詠到西貢市中心會合老友梁靖琪 Toby撐枱腳。

原來 Toby為老友補祝生日,雖然遲咗十日,但尚算有心。

賢淑有前科

唐詩詠被網民封為「不能錯過的女人」!已錯過了的有崔建邦,不想錯過但苦無機會的,是一直咬住唔放的馬明,亦是洪永城心中大患。

崔建邦

同崔建邦拖拉 9年,其間男方多次被斷正偷食,唐詩詠仍不停原諒,到前度一而再酒駕被停牌,她又夜以繼日做柴可夫車出車入,咁嘅女朋友,世間罕有。

馬國明

唐詩詠與馬國明一直以契兄妹相稱,二人關係親密,全世界都知馬明其實對契妹好有意思,可惜神女無夢,只一心當對方係「大佬」,就算被拍得同枱食飯幫契哥剝蝦殼,唐詩詠都冇有怕。

撰文、攝影、攝錄:娛樂組


鍾意就快D Share啦!