拖冧無綫收視跌到15點 麥明詩劍橋晒命網民批堅離地
十優港姐麥明詩（Louisa）早前遠赴英國拍攝無綫節目《星星探親團》，前晚播出竟然創下今年十點半時段收視新低，平均只得15點（約97萬觀眾）。麥明詩在節目中三句不離「劍橋」、「十優」、「港姐冠軍」，予人晒命感覺，有網民狠批她「堅離地」。不過，麥明詩仍有男友林作護航，直指旅遊節目通常背後有人寫稿，麥明詩昨日回應說：「我係團隊一部份，冇話委屈唔委屈。」
現年24歲的麥明詩生於中產家庭，會考攞十優，並成功考入劍橋大學，去年又以大熱姿態奪得港姐冠軍，被喻為「人生勝利組」。但麥明詩自從加入娛樂圈後，人生似乎遇上好多波折，今年初參選華姐五強不入；由她孭飛的《星星探親團》，節目前晚播出收視亦麻麻，平均只有15點，創下今年十點半時段新低。
【犯禁踩草地】■手持類似英女皇膠雨傘的麥明詩在前晚播出的《星星探親團》，重返劍橋校園，在節目中三句不離「劍橋」、「十優」，被網民狠批她晒命。電視圖片
■麥明詩是人生勝利組，以十優兼劍橋生姿態當選港姐冠軍。資料圖片
【男友護航】■林作與麥明詩愛得如膠似漆，更暗示女友被無綫擺上枱。資料圖片
網民：做人處世包尾《探親團》節目中，麥明詩介紹她讀預科的威靈頓公學（Wellington College）及英國頂級學府劍橋的生活，細說一個贏在起跑線上的資優生成功自白，當中麥明詩提到一位會考得19分的好友，憑極佳的面試表現順利獲取錄，她說：「我哋呢度係好離地，但亦都有好勵志嘅故事嘅。」
麥明詩在節目中三句不離「劍橋」、「十優」及「港姐冠軍」，令人有晒命感覺，有網民更批評她「堅離地」：「我終於明白麥明詩點解冇朋友」、「學歷確是頂級，但做人處世是包尾」，另有人指她在鏡頭前寒背兼說話不夠氣，表現差強人意，不過亦有網民力撐她：「十優同劍橋呢啲學歷真係靠自己努力先有。」
林作：出到嚟Over咗麥明詩男友林作昨日在電話中維護女友，暗示女友是被無綫擺上枱，他說：「其實以Louisa第一次孭飛做節目，表現算淡定同自然。電視台做開呢類旅遊節目，通常背後有人幫手寫稿。製作單位之前好少機會去呢啲學府，認為呢個係selling point，咁佢哋只會理收視，覺得要突出佢係劍橋生，啲觀眾先buy，不過出到嚟就over咗，俾人覺得佢晒命。」
至於麥明詩昨日以短訊回覆：「唔好意思啊，我唔方便回應你哋。」再問到於片中多番強調自己是「十優生」、「劍橋」等是否有人撰稿？招來網民批評，會否覺委屈？她說：「做節目係一個團隊一齊承擔，冇話委屈唔委屈。」
麥明詩昨晚又在Ig發表數百字感言，直言當選後被人標籤成高分低能、書呆子、好aggre（進取），她又承認自己喜歡鬥氣，她寫道：「這個節目的主題剛巧是讀書的地方，難免話題牽涉到成績及大學。就當讓我懷緬陶醉一下吧。」
此外，內地劇《琅琊榜》收視則繼續沉底，平均收視只有19點（約123萬觀眾），與《探親團》的成績同樣差強人意。
採訪：嵐山、王梓嫚、何慧斯
|
鍾意就快D Share啦！
|
|
|
