身材出眾加上只有廿一歲，是郭奕芯最大的賣點。
娛樂偵訊
夏雨欽點 《同班》郭奕芯做女一
有電視劇唔拍，走去投資電影的夏雨，頭炮《夠殭清道夫》碌盡人情咭搵圈中好友埋位，電影上月煞科，夏記已埋定班開第二部戲《鬼網》。本週一，電影遠赴馬來西亞開鏡，片中除了一班平靚正的𡃁模，在《同班同學》中被王宗堯咬 pat的郭奕芯，更被老細欽點擔正做女一。
向𡃁模埋手
上週三（五月十一日），《毛記電視萬千呃 like賀台慶》中獲頒發「最 like男主角」的夏雨，在冇稿冇對白提供的情況下，連珠炮發寸大台；事隔幾日，他已經人在馬來西亞，為公司第二部電影《鬼網》開鏡及取景。
由於戲中角色設定全部廿歲出頭，這個年紀層的演員在本地選擇有限，加上考慮到資金問題，夏記同幕後團隊決定向一班𡃁模埋手。
「啱心水又有知名度嘅，大部分都入咗電視台拍嘢，見慣見熟冇乜新意，既然呢個 age group嘅選擇唔多，咪試吓搵啲𡃁模 casting囉。」一名幕後工作人員透露。
《鬼網》由三個單元串連組成，其中是重點故事的《好鄰居》，夏雨就睇中郭奕芯做女主角。在《同班同學》豁出去的大膽演出，郭奕芯令人刮目相看，但令夏雨更重視的，是對方待人接物的態度。
「真心咁講，我對啲𡃁模嘅認識真係唔多，亦有同事提出話呢個女仔有好多負面新聞，怕會好麻煩，但 casting嗰陣，佢表現一啲都唔差，要求佢去學嘢配合演出又 OK，佢嘅工作態度令大家改觀，所以一致拍板搵郭奕芯擔正。」夏雨說。
Jeana唔肯露
另一個單元《二重身》，其中一個角色需要半裸演出，有指電影公司曾屬意 Jeana（何佩瑜），但近年她惜肉如金，對於半裸演出不停討價還價，但投資方卻不可能因一個人的要求，令劇本作出大改動，最後改由前港視演員蔣祖曼
頂上。
對於換角一事，電影公司未有正面回應，只強調這個單元是由許雅婷（ Kabby）做女一。
「我睇過佢喺劉心悠套《小姐誘心》嘅演出，覺得佢唔錯，佢經驗唔多，但花多啲時間對稿同教戲，應該問題不大。」導演黃國輝說。
撰文、攝影、攝錄：娛樂組
|
鍾意就快D Share啦！
|
|
|
