網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月26日 星期日

咪當Auntie 冇料到!爆乳馨平玩謝嘉穎 __,嘉穎,王馨平,馨平,鄭嘉穎,

最緊要活得比你好。曾經癡戀,曾經分手,如今跟你又聚頭~點樣面對舊情人?梗係要話畀對方聽:我活得比你好!王馨平(Linda)就識玩嘞!當日留一「線」,他 ...


最緊要活得比你好。

曾經癡戀,曾經分手,如今跟你又聚頭~點樣面對舊情人?梗係要話畀對方聽:我活得比你好!王馨平(Linda)就識玩嘞!當日留一「線」,他朝好相見!一鋪晒冷「線」到陳凱琳攤攤腰!

早前籌款節目《博愛歡樂傳萬家》集合鄭嘉穎、王馨平同陳凱琳,新歡舊愛共冶一爐,當司儀猛話有五十條捐款熱線時,我Nuts哥數來數去,點都多一條,咪就係王馨平心口嗰度「巨乳門」條事業線囉!九十年代以玉女形象出道嘅王馨平,豐胸長腿不見天日,怎料廿年後一鋪晒冷爆乳大解放,白滑凝脂「胸器」初現人間。想當年王馨平喺萬千少男心目中,係神聖不可侵犯。事業線?咩嚟㗎?玉女係唔會露肉,正如英女王唔會當眾捽腳趾一樣!

王馨平奮不顧身中門大開,一擊即中ko陳凱琳粉身碎骨!唔使問牛頭角順嫂,個個都話王馨平擺明係同舊愛鄭嘉穎示威王馨平48歲盡地一擊,就係唔想三姑六婆將佢同陳凱琳比較,淨係講年紀,一個48歲一個25歲,真係做得兩母女!如果我係王馨平,都唔想成個師奶咁行出嚟論青春已不及人,倒不如要贏人先要贏自己,利用天賦「胸」器玩原始女人味,搞到陳凱琳本來想叫聲「Hi,Auntie!」都要改口講句:「Good show!」

好多口痕友話王馨平搏到盡係為人氣,計我話,今時今日,王馨平已經係幸福少奶奶,得閒教吓瑜伽或出嚟唱幾首經典金曲已經夠過癮,仲使乜博人氣?係咪同舊愛示威都好,王馨平話畀大家聽,一個年近五十歲嘅女人,歷盡唔少風霜都好,依然都係咁靚、咁正,好一朵鏗鏘玫瑰!拋出兩球後,全城反應有讚有彈,王馨平都唔理得咁多,仲話:「知道唔可以取悅所有人,出得嚟行就預咗!」佢仲話作為藝人願意喺舞台上有新嘗試,即係話畀大家聽,佢嗰條點止係事業線,根本就係敬業線!

老竇情史唔嘢小

好一句出得嚟行就預咗,豪氣干雲,唔好以為出道玩玉女形象嘅王馨平堅係又Pure又True,佢傳承咗佢爸爸、一代武俠巨星「獨臂刀」王羽嘅剛烈直率性格,有碗話碗,使怕你?王馨平都講過自己性格似俠女,仲會有火爆嘅時候,例如見人哋泊車泊咗佢個位,佢都會嬲到舉中指!

想當年王羽都唔嘢小,愈老愈有勁,三年前70歲嘅佢自爆曾經同細佢40年嘅女粉絲拍拖兼諗住結婚,後嚟因為「未來外母」接受唔到呢段爺孫戀而棒打鴛鴦!講最爆,當然係1999年王羽帶埋警察去捉姦,告上法庭話佢個空姐太太通姦罪成!家醜不外傳?王羽真係話之你

等於當年王馨平同鄭嘉穎拍拖,眼見個女只係唱首《別問我是誰》,唱片銷量已經有六十萬張,相比之下鄭嘉穎仲喺度玩緊棒球小子,事業堅係相差九條街,為個女終身幸福都一於要棒打鴛鴦,前後捱咗六年,最後都要分手!

狂收八宗投訴

王馨平終極一露,通訊事務管理局收到八宗投訴,指嘉賓衣着太暴露。喺合家歡時段嘅節目,中門大開晒胸器,有好多人大彈特彈,話係「母乳」教學失禮晒,但同時亦有好多人話香港人保守,之前無綫台慶全台花旦個個心口開窿,由A至Z咩Cup數都出晒,奧斯卡頒獎禮啲鬼婆咪又係着到心口頂上喉嚨,又唔見有投訴?計我話,唯一冇投訴嗰個,一定係鄭嘉穎!雖然當晚鄭嘉穎以「步驚雲」造型壓軸現身,點知被王馨平爆乳玩晒。她咁識做中門大開,有睇頭有話題性之餘,鄭嘉穎盡得萬千網民倒水式大讚一句:「真識食!」新歡年輕卜卜脆,舊愛索爆風韻猶存,鄭嘉穎夠晒Face


來源 source: http://hk.on.cc
鍾意就快D Share啦!


Related Posts Plugin for WordPress, Blogger...