網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月26日 星期日

【鬧爆陳展鵬】胡杏兒力撐胡定欣:大家都係做呢行 __,杏兒,胡定欣,定欣,陳展鵬,展鵬,陳展,胡杏兒,

陳展鵬早前被《蘋果》發現車咗去年落選港姐單文柔上山頂蜜談,揭發兩人正在拍拖拖。雖然陳展鵬矢口否認,又指女方只係自己個stylist,但本報收到消息,稱 ...


陳展鵬早前被《蘋果》發現車咗去年落選港姐單文柔上山頂蜜談,揭發兩人正在拍拖拖。雖然陳展鵬矢口否認,又指女方只係自己個stylist,但本報收到消息,稱陳展鵬已經向公司承認戀情,又向樂易玲一力承擔,表示「有乜嘢事我孭!」盡現男子氣慨。雖然係咁,但有一個人……好失落。佢就係刁蘭胡定欣。陳展鵬堅決否認同胡定欣拍過拖,又借定欣過橋,話山頂擦外賣報道一出,就打俾胡定欣:「佢仲話『唔係咁黑呀?』(有冇嬲你?)我哋合作咁耐,大家清楚咩事。」(新聞連結: http://bit.ly/2mBGoql )但其實胡定欣……係真係曾經……中過招,同陳展鵬拍《同盟》嗰陣拍過拖。(新聞連結: http://bit.ly/2o3L2dN )有報道話,定欣知道陳展鵬同佢劃清界線之後,覺得自己癡心錯付,心情麻麻,好姊妹胡杏兒亦第一時間去陪定欣,胡說八道會嘅成員個個都鬧爆展鵬。胡杏兒今晚出席愛滋病研究基金會(amfAR) 慈善籌款晚宴 ,問到佢有冇慰問姊妹胡定欣?佢話:「吓,唔使慰問喎,都知呢啲唔係事實,佢自己都話冇開始過,只係大家太投入套劇集。」之前有傳胡定欣好姊妹有份鬧爆陳展鵬,杏兒就否認:「冇呀,我哋group chat都冇提起呢件事,大家都係做呢行,都明白呢啲唔係事實。好清楚冇開始過,大家都係同事。」定欣仲係單身,咁杏兒有冇幫手物識男仔,杏兒話:「都有留意,有啲人佢都有興趣,不過佢太忙喇,佢都冇時間見我哋。我都叫佢俾心機拍埋套劇,休息下同留意身邊嘅人。」仲話唔使特別陪定欣散心。問到有人蝦好姊妹,會唔會代對方出頭,杏兒就搞gag:「如果有呢啲情況,就梗係『哈哈哈』。」

攝影:沈健程 之前有傳胡定欣好姊妹有份鬧爆陳展鵬,杏兒就否認:「冇呀,我哋group chat都冇提起呢件事。」
有傳胡定欣同陳展鵬封視帝視后後,正式撻著。 (資料圖片)

來源 source: http://s.nextmedia.com
鍾意就快D Share啦!