藝人吳綺莉（Elaine）再度與女兒卓林爭執導致警方介入，連日來大批傳媒追訪並作出不少揣測。吳綺莉接受東網電話訪問，直認自己衰衝動半夜搞醒女兒理論才發生口角，她說：「係自己衰衝動，半夜三更去嘈醒個女，傾佢嘅交朋友問題，自己脾氣唔好，冷靜唔到所以發生口角，自己都真係要自我反省，訓練自己嘅EQ同IQ。」吳綺莉直言現階段精神狀態好差，強調事件發展至今，對自己是一個教訓。
胃病食唔落嘢
而Elaine接受調查期間，警方曾入屋進行搜證，期間警方曾搜括其廚房，問到警方入屋搜查目的？Elaine表示：「因為報咗警，差人都要循例入屋搜查。」最新消息指Elaine在卓林枱面發現疑似鎮靜劑的藥物，有傳言有人稱「唔食藥不如死咗去」，亦有稱有人因皮膚病問題要服藥，Elaine否認說：「冇人有皮膚病，真係唔好再聽外面所講嘅傳聞，依家交畀警方處理，真係唔可以講咁多，反而我依家有胃病，瞓唔到、食唔落，精神好差。」
阿女未返屋企
據知，Elaine因不滿女兒抽煙，並察覺女兒交友出現問題而試圖與女兒作溝通，惟對方一直推托，心急追問下令事件一觸即發，卓林為此曾離家出走。講到女兒卓林去報警，令吳綺莉二度接受警方調查，她表示：「做阿媽點會嬲，只會諗方法處理。」
有指卓林交朋友中包括男性及同性朋友，而卓林更與同性朋友同房過夜，早前離家出走時曾向同性朋友借宿，Elaine對此大為緊張。問Elaine是否知道女兒的感情狀況？她說：「梗係唔係啦，佢唔係鍾意女仔，唔好亂傳，佢依家冇拍拖。（同個女依家關係OK？）當然唔可以怪個女。（卓林未返屋企住？）係，暫時未，佢係朋友度住，有同女聯絡，大家當然有傾，始終係兩母女，冇我話嬲唔嬲，係需要要自我反省，要檢討脾氣。（脾氣差係因為飲酒習慣？）好多謝大家關心，我一向好注意身體，飲嘅酒唔係大家想像中咁嚴重，唔係飲嗰少少會鬧人。」
做緊設計工作
講到工作方面，吳綺莉透露同有線傾緊新工作，但因為有線方面亦有需要作調整，目前暫未有具體工作：「依家做緊設計方面工作，所以發生呢件事都令我好煩惱，希望大家放過我。」
|
鍾意就快D Share啦！
|
|
|