吳綺莉今日又出動！
藝人吳綺莉日前涉刑事恐嚇囡囡吳卓林已被捕，前日（24號）下午保已獲釋離開警署，而吳綺莉今日又再出動。中午12時40分，她從大坑寓所揸車外出，一見記者，即較低車窗，見她素顏戴上口罩，面容略為憔悴，問她去哪裏？她說：「去食飯，屋企冇嘢食！（同卓林一齊食？）唔會！（卓林去咗邊？）一個安全地方！（有冇聯絡卓林？）Er...有嘅！」
問她們兩母現在女心情如何？吳綺莉說：「冇乜嘢，小事！（件事幾時可以解決？）快！係可以解決嘅！」談到自己為女兒平反，證卓林並非同性戀，問女兒會否感到開心？她說：「我唔知呀！佢唔係好識睇中文！（幾時會見個女？）實會見！」
吳綺莉語畢便揸車經跑馬地，再到銅鑼灣，然後再折返大坑一家超市買哂嘢。返家前，問她精神如何？她說：「淋巴腫晒，有啲攰！」但當再問有沒有聯絡卓林，她前言不對後語說：「冇呀！」問卓林明天會否返學？她說：「未知呀！（校方介入了解？）其實大家都知發生咩事！」
來源 source: http://hk.on.cc
|
鍾意就快D Share啦！
|
|
|