網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月26日 星期日

驚!何佩瑜台灣炒車 個鼻腫到似阿凡達 __,何佩瑜,Jeana,

好彩人冇事,今日就會返香港喇!27歲藝人何佩瑜(Jeana)近期在台灣拍攝電影,至前日剛剛煞科,昨晨她在台灣卻不幸遇上交通意外,所乘坐的七人車車頭及車 ...


好彩人冇事,今日就會返香港喇!

27歲藝人何佩瑜(Jeana)近期在台灣拍攝電影,至前日剛剛煞科,昨晨她在台灣卻不幸遇上交通意外,所乘坐的七人車車頭及車側炒至凹陷變形,當時坐於司機位旁的Jeana撞及頭、眼及鼻,同車10歲大的小演員盧宣彤(Debbie)亦撼親頭及下巴,兩人立即被送院,好彩經檢查及照X光後傷勢無大礙,均已出院休息。

Jeana昨一早乘坐劇組安排的七人車,從墾丁前往高雄,車程約兩個小時,原定抵高雄逗留一晚後,於今日返港。據知劇組安排了一位年輕女司機負責接載Jeana和小Debbie,但當車輛由墾丁駛去高雄的路段時突然失控,猛力撼向石壆,在車上瞓覺的Jeana嚇到花容失色,事後她和小Debbie感不適,齊被送院檢查。

個鼻腫到似阿凡達

驚魂未定嘅Jeana,回應東網時大呼Lucky:「我都係第一次遇上交通意外,好彩隔離係石壆,唔係鐵欄,如果唔係就會真係會碌落山,諗番好心寒!呢次我感受到車禍嘅震撼力,仲要撞到咁大力,不能想像架車反轉嘅話會係點,真係好危險!我自己都冇諗過,當時我瞓咗,完全冇心理準備,不過最差嘅嘢係我撞到頭、眼同鼻,個鼻腫到成個阿凡達咁,眼又瘀晒!本身喺台灣已經去咗醫院檢查,不過有買保險,返到香港都會再去醫院Check吓。」Jeana又表示男友翁子光亦非常擔心其傷勢。

拍潛水煞科戲差啲窒息

Jeana苦笑前日拍潛水煞科戲時,已多次徘徊鬼門關,她說:「嗰日我要全程hold住呼吸,閉氣落到水底仲要做戲,自己每次想用盡啲秒數做戲,所以好遲先上水,試過控制時間錯咗差啲窒息,所以每一次上水,望到海面一唞氣就好感動,好似來來回回鬼門關咁,估唔到煞科再有車禍。以前冇諗過生命可以咁脆弱,今次意外反而令我諗到,真係在乎一秒鐘之間嘅事,依家會更加珍惜身邊人。」

學潛水傷及耳膜

留台兩個月,之前Jeana因為在墾丁學潛水傷及耳膜,而於當地睇醫生,豈料到留台最後一夜,又要入院,不過Jeana就為飾演她女兒的小Debbie心痛,「因為我同佢都受咗傷,佢撞親下巴,我撞親個頭,眼同鼻都腫咗,但最慘係小妹妹,佢同我一樣拍呢套戲時,喺台灣睇過兩次醫生,希望佢都快啲好番。」雖然小Debbie昨午已在facebook報平安,留言「逃過一劫」,但她upload了瞓病床及額角腫起的相片,都係令人睇見肉赤。


來源 source: http://hk.on.cc
鍾意就快D Share啦!


Related Posts Plugin for WordPress, Blogger...