2018年2月1日 星期四

創作人講管理:「你點對同事,同事點對你」 [壹週刊 - 1456 - 財經] __,M1,

公司○八年開業,遇上金融海嘯,Rono感激當年同事願意收半個月糧,一同渡過難關。財經坦白講創作人講管理:「你點對同事,同事點對你」我係Rono鄺海翔, ...






公司○八年開業,遇上金融海嘯, Rono感激當年同事願意收半個月糧,一同渡過難關。

財經坦白講

創作人講管理:「你點對同事,同事點對你」

我係 Rono鄺海翔,今年四十二歲,係專做廣告及市場推廣的亞洲互動媒體控股主席。旗下三間公司一年營業額總共三千萬元,純利大約一千萬元。現時有四十五位同事,我哋會繼續請人,因為公司業績增長滿意,不想同事太辛苦。有中小企老闆問我,點樣可以「控制」員工?其實同事唔應該俾你控制。我唔係一畢業就做老闆,都明白打工仔心態︰出糧重要,但都希望有個開心、受尊重的環境,好多嘢係相輔相成。

對我嚟講,老闆職責係幫同事,解決佢哋層面解決唔到的事,呢啲叫分工。平時我有好多福利,我哋每個月有生日 party,有時成間公司去 BBQ。有啲福利係突然出現,前排流感嚴重,全部同事去打防疫針,由公司出錢。打風日子,見到勢頭不對,我不用等天文台掛八號風球,都會叫同事散水先。

這裡平均八點前收工,製作公司來講算係早。我覺得咁樣係理所當然,我想像唔到當個人日日朝九晚十一,佢仲點會有創意?點會有靈魂?無 network、無得同世界接觸時,就幫唔到公司。我成日同同事講,休息係工作一部分。

一齊頂住

你對同事好,同事係感受到。○八年金融海嘯,一開公司就進入低潮,係相當大的震盪。原本有 project準備拍嘅都延期、或 hold住咗,又收唔到錢, cash flow即刻好緊張。啲客好似約埋一齊唔找數咁!嗰時係嚴重到,出咗呢個月糧,下個月就出唔到。我同同事講:大家快啲搵工嗰陣五、六個同事,佢哋好冷靜,去咗食 tea。食完返來同我講,其實我哋有生意,可以睇多陣?不如出半個月糧頂住先。簡單啲講,就係一齊頂咗佢!希望有轉機。

對我來講係好感動,可能創意工業有啲唔同,無咁現實,大家都係去追求夢想。所以我都咬緊牙關,要對得住班同事。

當時我哋緊縮所有開支,同客戶溝通,說服佢哋逆境才是擴張的好時候。很多公司不敢郁,你郁,才攞到客戶!反正 budget又不大,不如做咗先,到市好就有足夠 marketing可以推出。後來啲客跟番個節奏,去到年尾,公司順利收支平衡,大家都好開心。有啲同事係由當年跟到而家,更加做埋我 partner,好開心有佢哋支持。後來佢哋同我講笑,其實佢地都唔係好有義氣啫!當時係搵唔到工,起碼出住半個月糧先,哈哈!





員工平均晚上 8時前收工, Rono認為這是理所當然:「我想像唔到個人日日朝九晚十一,佢仲點會有創意?點會有靈魂?無 network、無得同世界接觸時,咪幫唔到公司。」





去年生日, Rono收到同事精心設計的海報。 Rono的頭像被 key在強壯的身軀,站在中央,接受同事的祝賀。

有人性

我細細個就覺得做生意好有趣,讀大學時搵補習,同學會貼百佳、惠康,但我會分析一下,有咩方法可以令我一小時的補習費貴啲。分析完,我覺得應該去豪宅教,佢哋願意付出更多金錢,於是我去較豪華的屋苑派傳單。結果我有一百六十元一個鐘,而同學只係收一百二十元。雖然我的商業觸覺強,但大學無選修任何商科,反而揀科學工程,因為將來的世界應該係技術、科學的世界。如果我營商但唔識科學,未必有優勢。大學畢業後,我沒有即刻創業,而是走去做 sales,裝備自己。我升職很快,奈何年紀細,不能升上更高職位。○五年決定辭職,搞企業培訓,後來集中做高清的商業製作,成立第一間公司 Best Video。

高清這支旗搖到兩年,後來開埋 Best Event,係幫客戶做商業活動,如周年晚會、街頭活動等。幾年前,有投資者覺得我們行業可以賺錢,於是挖我們的銷售團隊。 Sales阿頭走咗,佢想挖走啲客,都好正常。跟住,仲想挖走埋後期的製作團隊!基本上想複製成間公司過去!在商言商,佢係無錯。

我同 partner都有擔心,但我哋無做特別措施,最後只係走咗幾個員工同一個客。我哋都覺得奇怪,對方加一成人工喎!我問佢哋點解唔過去,其中一個話,佢哋在公司曾做錯嘢,令公司有損失,但我哋從不責怪他們,反而一起解決問題,令佢哋覺得公司比較「有人性」。佢 exact字眼真係「有人性」!都係嗰句,你點樣對同事,同事都會點樣對番你,經歷過嘅難關,就係咁順利通過!

撰文:黃嘉慧

攝影:梁正平

ed_bn@nextdigital.com.hk


鍾意就快D Share啦!
Related Posts Plugin for WordPress, Blogger...