2018年2月1日 星期四

蔡一鳳佗 B三個月盛品儒勸老婆停工:好期待 BB出世 [壹週刊 - 1456] __,盛品儒,蔡一鳳,M1,

有咗三個月,不過瘦底蔡一鳳無肥過,聖誕節放假外出,她開始戒著高踭鞋。探熱針蔡一鳳佗B三個月盛品儒勸老婆停工:好期待BB出世前亞視高層盛品儒跟銳思集團老 ...






有咗三個月,不過瘦底蔡一鳳無肥過,聖誕節放假外出,她開始戒著高踭鞋。

探熱針

蔡一鳳佗 B三個月盛品儒勸老婆停工:好期待 BB出世

前亞視高層盛品儒跟銳思集團老闆蔡一鳳結婚接近三年,婚後一直積極造人,上年九月蔡一鳳表示快有好消息,原來二人已經造人成功,不過為要遵照盛家低調作風,絕口不提有餡。老公盛品儒卻難掩做老豆興奮,坦言「好期待 BB出世」,更下令老婆盡快停工休息。







上次到美國,她已經開始戒酒飲橙汁。





早前在比華利山買七萬呎地建屋,其中一幢在山頭的小屋,她會拆卸重建一萬呎大屋。





盛品儒忍唔住爆響口老婆佗龍鳳胎,但隨即封口唔再講。

美國買地建屋

蔡一鳳上年飛三次 LA睇屋,原來在當地造人成功,九月知道有喜,但未有向外公布,上月出席一手策劃的老人慈善晚宴活動,也封口不提佗 B。

據了解,被當地朋友設計的獨立屋吸引,已經扑槌購入位於比華利山七萬呎地皮,日前她出發到當地開會,趁未生趕快完成手頭工作,安心迎接第一胎。

「 Michelle本來打算喺當地建屋自己住,後來諗諗吓,又覺得做生意先,佢打算喺塊地起三間屋,附近一間屋細少少都賣一千六百萬美金,佢諗住其中一間建一萬呎,另外兩間七千呎,計埋可以賣到五千萬美金。雖然話周圍飛,不過 Michelle好開心,因為佢好享受做嘢,唔鍾意放假。」身邊人透露。





喜歡扮靚,去年九十四歲潮流教母 Iris Apfel來港出席活動,她也是座上客。





計劃將珠寶店 Marvella搬到巴黎另一個旺點。





去完美國,蔡一鳳又孖老公飛法國睇鋪。

盛品儒送禮物俾仔女

開始房地產生意,蔡一鳳早在去年報讀西班牙 IE商學院的 MBA,下月開始修讀一個為期超過一年的建築設計與管理課程。

「 Michelle申請咗成年,又去咗幾次面試先收佢,學費四十幾萬,加埋要喺嗰邊住酒店,仲要飛英國上堂,佢都要使成百萬。」身邊人透露。

老婆繼續開工,盛品儒亦很緊張,榮升做老豆,他回應:「我梗係開心,好期待 BB出世。(送咩禮物俾老婆?)係咪應該送俾仔女呀。( Michelle係咪佗龍鳳胎?)要保持神秘,唔講得。(老婆仲要飛去西班牙讀書,會唔會陪佢?)會呀,不過都係每兩個月先飛去探佢一次,因為我做緊手遊生意好忙。我都有勸佢快啲停工休息,不過要忙埋美國嘅 project先得。」





每逢老婆生日,盛品儒都會買幾個蛋糕開 P慶祝。





去年飛美國三次,未有 BB前,她跟朋友食飯都有飲酒。





她創立四年的「同芯慈善會」早前舉行活動,請老人家食鱘龍魚。

撰文、攝影:娛樂組 


鍾意就快D Share啦!
Related Posts Plugin for WordPress, Blogger...