熱爆娛樂: 【爆相爆片】拍《多功能》被踢爆結局柏豪錫千嬅額頭好老土 _

2018年10月2日星期二

【爆相爆片】拍《多功能》被踢爆結局柏豪錫千嬅額頭好老土 __,千嬅,周柏豪,柏豪,楊千嬅,爆相爆片,

楊千嬅接拍大台劇《多功能老婆》惹是非，傳因遲到激嬲劇中另一女角陳煒，不過兩人先後否認傳聞，陳煒仲讚千嬅好有演員品德；前日千嬅同男主角周柏豪在中環拍煞科戲，被讀者何先生透過「爆相爆片」踢爆結局，兩人在街頭相擁破鏡重圓，又係玩例牌大團圓結局，劇情不但冇乜驚喜，仲要只係錫額頭，純過蒸餾水！

當日下午4點幾，讀者何先生經過中環畢打街，見到千嬅同柏豪拍劇，讀者足足逗留咗兩粒鐘「爆相爆片」，直擊拍攝結局篇嘅過程，何先生在電話表示：「我見到一開始千嬅喺條街好迷失咁行，拍咗差唔多大半個鐘，之後就拍周柏豪企喺度，千嬅隔住條馬路見到柏豪，跟住再拍千嬅過馬路，又拍咗大半個鐘，最後講佢哋相遇，兩人攬攬錫額頭，似係結局場面。」

問到過馬路鏡頭都拍大半個鐘，係咪好多NG？何先生話：「因為禮拜日人多，千嬅拍得好好，唔關佢NG事，只係太多人，要等馬路燈位，同埋好多人圍觀，因為要就好多角度拍，所以拍得耐，見千嬅表情做得幾好，唔多NG，正常拍佢表情好快搞掂。」

之前傳千嬅遲組令劇組不滿，但何先生在現場見到千嬅同工作人員相處好和洽：「佢冇架子，同大家有傾有講，佢同柏豪都成日傾偈。」

精選娛聞，喺晒《娛果》

http://fb.com/appledailyent

讀者何先生「爆相爆片」踢爆《多功能》結局（讀者提供圖片）	柏豪同千嬅重遇，錫額頭破鏡重圓。（讀者提供圖片）	 兩人在街頭拍咗幾粒鐘（讀者提供圖片）
 另一個鏡頭係柏豪企在馬路邊（讀者提供圖片）	 兩人重遇玩抱抱（讀者提供圖片）	 同一個抱抱鏡頭唔同位拍攝（讀者提供圖片）
 千嬅過馬路拍足大半個鐘（讀者提供圖片）	 等燈位都等好耐（讀者提供圖片）	 兩人各站馬路一邊製造重逄，好老土！（讀者提供圖片）
 千嬅同柏豪前日在中環拍煞科戲（讀者提供圖片）	 禮拜日中環好多人（讀者提供圖片）	 讀者讚千嬅表演專業（讀者提供圖片）
 兩人在街頭拍攝大陣仗（讀者提供圖片）