2018年10月10日 星期三

政Whats噏:政Whats噏:不認還須認 王維基入紙娶袁莎妮 __,王維基,

王維基日前正式入紙登記同袁莎妮拉埋天窗。香港總商會總裁袁莎妮(Shirley)早幾年被揭發與港視主席王維基一同到大坑「撐枱腳」食甜品,當時Shirle ...


王維基日前正式入紙登記同袁莎妮拉埋天窗。


香港總商會總裁袁莎妮(Shirley)早幾年被揭發與港視主席王維基一同到大坑「撐枱腳」食甜品,當時Shirley仲話大家係「朋友啫」。輾轉數年,不認不認還須認,現年56歲嘅王維基日前正式入紙登記同48歲嘅Shirley拉埋天窗!袁莎妮回覆查詢時就話,多謝大家關心,但忙緊處理施政報告回應,未有時間講更多。

王維基感情生活向來低調,與前妻唐靄玲結婚20幾年,兩人育有一對仔女,至年前離婚。近年不時有傳媒影到王同Shirley「行孖咇」去街,或出席公開場合,但兩人一直無親口承認戀情,至去年兩人一齊出席友人飯局時,先被友人爆料,將兩人戀情正式曝光。

王喺2016年時曾經參加立法會選舉,令到唔少人都認識佢。而佢嘅準太太Shirley背景都唔弱,喺英國牛津大學畢業後回流香港加入政府,喺2002年出任工商及科技局局長嘅政務助理,到2006年就擔任副行政署長,2010年就任職運輸及房屋局副秘書長,同年離開政府,翌年獲聘任為香港總商會總裁。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...