掃呢頁CODE去手機

2019年7月10日 星期三

【聯合國發言後返港】何韻詩談官媒指名斥責:越大反應證明我哋越啱 __,何韻詩,

(攝影:陳慧安)
何韻詩周一(8號)出席瑞士日內瓦的聯合國人權理事會第41屆會議,以「聯合國觀察」代表身份,發表2分鐘演講,控訴香港自由已逝,一國兩制近乎死亡,其間被中 ...


何韻詩周一(8號)出席瑞士日內瓦的聯合國人權理事會第41屆會議,以「聯合國觀察」代表身份,發表2分鐘演講,控訴香港自由已逝,一國兩制近乎死亡,其間被中國代表兩度打斷發言,她希望聯合國關注並協助香港恢復民主權利,並譴責政權嘗試消滅人民的聲音,此舉獲得不少港人掌聲,不過愛護者紛紛留言指擔心她的人身安全。



阿詩今日約下午6時25分左右返抵香港,戴上太陽眼鏡的她獨自推着行李出閘,其助手立即上前迎接,被問到今次去演講,阿詩表示:「其實好榮幸嘅,代表香港去到一個國際場合度發聲。」她透露花了數天時間準備演講辭,她說:「今次演講都係希望重申保障番香港擁有嘅一國兩制。」



至於中國對她的批評,阿詩說:「我睇到,預咗啦,其實正正表現咗呢個國家唔容許有唔同聲音存在,我喺講詞主要針對一國兩制被毀壞情況,我都係講緊事實,佢截停我兩次嘅過程,佢哋都係講啲唔合理原因,好明顯係將我本身有嘅90秒冇咗,好在當時副主席喺度持平。」



問到會否擔心打壓更利害或人身安全受威脅,阿詩說:「我諗我而家始終立足香港範圍,我係冇觸犯任何香港嘅法例,言論自由係我哋呢個地方應該擁有嘅事情,假設如果真係有任何嘅事喺我身上或同伴身上發生,正正中咗我講嘅嘢,其實企得喺街上抗爭喺人或我哋可以去其他地方表達意見嘅人,某程度上有心理準備有所謂唔同嘅後果,如果係咁,香港已經去到一個返唔到轉頭嘅地步。你有能力嘅時候,更加需要做得幾多得幾多。」



對於被官媒指名道姓斥責,阿詩表示:「我冇諗堂堂一個外交部,對我講話有咁大反應,我唔知點講,證明咗當佢哋越大反應,我哋係越啱。」問到阿詩是否覺得一個外交部的身份如果要指名道姓去說她,有點小題大做?阿詩說:「喺佢哋嘅角度,當然認為世界係咁啦,認為佢哋係咁啦……但係香港而家淨係擁有嘅言論自由同傳媒自由亦都好多嘢都冇咗,慢慢亦都侵蝕緊,我再重申,我係希望回復番一國兩制,等香港有番自己嘅自治,究竟可唔可以攞番呢?如果外交部講嘅係事實,希望佢哋真係表現到出嚟而家講緊嘅係反送中,但其實去到某一個位最後都係要返番去,要求真普選,其實林鄭呢樣係冇得避嘅,而唔係一句成語就可以避咗呢件事。」



被問接下來有何活動,阿詩指之後會出席世界各地不同演講,她說:「本來喺聯合國發言都想講警權問題,不過得90秒講唔切,我都有同非政府組織去講香港問題,雖然有人覺得聯合國係傾向一啲極權國家,亦都有人同我講『你去講有咩用』,我覺得起碼去咗發聲先,之後有咩結果都要靠大家努力。」



提到阿詩不在香港的這幾天,有很多巿民在各區發起不同的遊行,她說雖然自己不在香港,但都心繫香港,亦都有留意事態發展,她說:「覺得啱啱九龍嗰個遊行係充分表現到網民嘅創意同團結,呢個政府以為7月1號之後可以分化到我哋,其實係分化唔到嘅,我再講多次,其實呢個抗爭係一個長遠嘅抗爭,並唔會一、兩個星期完。」提到有網民已經在申請在沙田區遊行,等候警方發出《不反對通知書》,問阿詩的看法,她說:「好好,希望可以延伸到18區都有陸續嘅抗爭。」



除了各區遊行外,網民去抵制無綫兼去圍觀無綫的活動,及去信無綫廣告商施壓,結果令到有廣告商撤回廣告,問到她有何睇法?阿詩說:「好欣賞網民創意,佢哋係唔放過任何一個窿窿罅罅,去搵一啲方法, 其實就係要咁樣,當冇一個實際嘅權力時,就係要用各種有創意嘅方法去令極權覺得肉痛嘅方法去着手,係好好,亦好佩服同相信佢哋有足夠嘅智慧,知道將件事繼續推進,同埋喺一個優雅嘅姿態底下做抗爭。」



對於林鄭昨日發表的言論,繼續不肯用撤回,問到如何看「壽終正寢」?阿詩說:「我唔知佢呢句係咩意思,唔知係邊個壽終正寢,總之有啲嘢係壽終正寢咗,但暫時唔係呢段條例。」



做完訪問後,阿詩到停車場等車,問到聯合國今次為何邀請她,阿詩認為應該對方有留意她早前在奧斯陸的演講,所以透過NGO組織去聯絡大家,8月會再到外地做演講,包括美國、澳洲及台灣等地,直至年尾都有不同講座邀請她,阿詩希望盡量做,上車前,有市民圍住阿詩影selfie,有一位男士更同阿詩講:「加油!」



------------------------------

【每周送10萬】

升級壹會員獨家尊享,立即參加10萬火急大抽獎!

*推廣生意的競賽牌照號碼:52302-9



-------------------------------

錶迷必讀!

89頁腕時計電子書 66款嚴選年度新錶

https://hk.adai.ly/e/v7jEA0MC1X



(攝影:陳慧安) 阿詩今晚返港。 阿詩今晚返港。
見她心情輕鬆,笑容滿面。

見她心情輕鬆,笑容滿面。
有途人找阿詩集郵。

有途人找阿詩集郵。
亦有不少途人為阿詩打氣加油。

亦有不少途人為阿詩打氣加油。

鍾意就快D Share啦!