全城熱爆的娛樂八封新聞 & 時事趣聞 & 生活 + 趣聞
全城尋 B，原來賊喊捉賊，令半歲凱晴 B女人間蒸發嘅，就係其吳姓狼母。周一（ 2日）警方已將她拘捕，隨即於周三提堂， B媽出庭時表現冷靜，其後並未有申請保釋。而警方則努力喺將軍澳堆填區搵 B女屍體，媽咪姐好心痛！願小凱晴能安息！
娛圈藝人亦好關注呢次事件，紛紛喺微博講感受，其中已為人母嘅陳倩揚最氣憤，用過百字大鬧 B媽唔好好愛護自己嘅孩子，陳法蓉亦鬧 B媽向警方講大話係逃避責任。
陳倩揚愛子如命，今次事件佢亦有感而發，百多字真言表露出對 B媽嘅極度憤慨，佢唔明為人父母嘅點解唔好好保護自己嘅女兒，睇得出佢真係好嬲。
同陳倩揚一樣有個兩歲仔仔嘅唐寧，心情都好難過，簡單表達咗一句說話，充分流露佢當時嘅心情。
陳法蓉直斥呢個結局令人心痛，仲大鬧 B媽好狠心，又講大話欺騙曬全香港人，字裏行間都睇得出陳法蓉極度氣憤。
馬浚偉雖然未有小朋友，不過佢都有留意新聞，仲話上海失 B案同呢單案嘅結局都係一樣，令人傷感。
性格開朗嘅黃翠如，一直心存希望，願 B女可吉人天相，可惜最終結局卻十分殘酷。翠如仲埋怨世界變咗，人已經冇愛。
