插圖： Wendy
揞名爆
「大眼仔」臭寸唔騷人
近年「大眼仔」嘅好爸爸形象都幾深入民心，媽咪姐同一班靚太 friend見佢成日笑笑口湊仔，覺得佢幾 nice㗎！
之不過，啱啱同幾個幕後人飲茶，佢哋就話「大眼仔」係揀人嚟俾 nice嘅，尤其對住工作人員嗰陣，好睇心情俾反應㗎！有個資深幕後人仲忍唔住爆，早年有次喺電視城化妝間見到合作過嘅「大眼仔」，見佢好似曬完太陽咁，就順口講句：「咦，黑咗喎！」
點知「大眼仔」啤咗佢一眼，一句「得」埋去：「不嬲都咁黑！」跟住已經行咗去，完全無面俾。嗰刻阿幕後人呆咗，心諗都係咁啱撞到，問候一下啫！使唔使咁寸先？但有啲嘢真係天意，出道順風順水嘅「大眼仔」，有段時間好鬼沉，好彩後尾用靚聲突圍先再上番嚟。之後，佢都係寸㗎嘞！不過怕得罪人又無運行，唔敢再寸到出面，都係得閒黑嚇面咁囉，本性難移嘛。
邊個係「大眼仔」？
名校出身。
都識做戲㗎。
|
鍾意就快D Share啦！
|
|
|