慳食早餐
上月 11日，記者發現街坊裝的朱千雪陪專程從加拿大返港的媽咪嘆咖啡，二人一件蛋糕兩份吃，生活慳儉。
娛樂喧
禾稈冚珍珠 朱千雪揸二千萬樓
「民選港姐」朱千雪去年未卸任港姐，已率先獲無綫力捧，拍住吳啟華參演《 On Call 36小時 II》，搖身一變成女主角。近日又黐實張學友和張家輝拍處女電影《大峽穀》，機會陸續有來。
雖然密密執金，朱千雪打扮依然樸素，平日出入都是坐小巴和地鐵。表面看似慳妹，但本刊近日發現，原來僅得 25歲的她，已坐擁兩層市值共二千萬物業，認真禾稈冚珍珠。
《 OnCall 36小時 II》劇情進入倒數兩周，即將鋪排朱千雪與吳啟華呢對忘年戀。由於配搭新鮮，網民對二人的興趣度，遠比上集演情侶的馬明和楊怡更高。由於觀眾緣不俗，朱千雪的𢱑銀機會亦遠遠拋離同屆的冠軍張名雅和亞軍黃心穎。
早前朱更初踏銀幕，拍住影帝張家輝及張學友演出警匪片《大峽穀》，「錢」途無限。
慳妹買平衫
本刊連日發現，向來慳家的朱千雪，甚少名牌跟身，行街買衫亦只去尖沙嘴加連威老道，好多時更齋睇冇幫襯。表面慳買慳食，原來卻是個一味買磚頭的小富婆。本刊調查所得， 07年只有 19歲的她，以自己公司「金比有限公司」名義，先後買入兩個市值約九百萬的單位，一個是現住的小西灣藍灣半島高層單位，而另一項物業則在「鬼佬區」愉景灣，兩層樓合共現值已近二千萬。
據一名知情人士透露：「其實 Tracy（朱千雪）家境比小康好少少，但又未至於唔憂嗰隻。佢爸爸早年同自己啲兄弟姊妹喺香港搞貿易生意，買樓投資，賺到啲錢，而佢媽咪就一直做家庭煮婦。直到 97年移民潮，佢哋全家移民加拿大，先冇做生意。不過呢兩層樓都係 Tracy爸爸送俾佢嘅，因為 Tracy係大女，佢一個人喺香港無依無靠又無親戚，佢爹哋話有咩事都有個竇。小西灣嗰層依家自己住，愉景灣嗰度就收緊租。」
母陪睇樓
上月開始播《 On Call II》，朱千雪媽媽怕女兒忙宣傳缺湯水，專程從加國飛返港探女兒。上月中（ 11日），本刊發現朱千雪陪媽咪到寓所附近的商場飲咖啡，一件蛋糕兩份吃，貫徹慳家本色。其間記者聽到二人談話。朱母對女說：「住得好唔好？使唔使搬？你依家咁多衫，要唔要搬間大啲？」朱千雪說：「唔使啦！都夠啦！你知我都唔係好多嘢！」朱母續說：「咁出入方唔方便？」朱千雪即拍拍母親膊頭：「都 ok呀！坐小巴轉地鐵都好方便，有時公司都有車接。」短短幾句說話已顯出朱媽媽十分疼錫女兒。
兩人飲完咖啡便到地產公司蹓躂。兩母女駐足「睇樓」，對著地產舖櫥窗指手畫腳。而朱千雪更拿手機影低有興趣的筍盤，似乎有意入市。事隔兩周，記者目睹朱千雪獨自到寓所下海旁跑步，她不斷來回跑了約 30分鐘便回家。早前她曾揚言要減肥 10磅，似乎已的起心肝坐言起行。
日前記者在台慶綵排向朱千雪求證有兩樓揸手一事，她顯得十分避忌：「佢哋錫我啫，不過唔好講屋企佢哋啦，唔想因為我，影響到全家。」
密執買磚頭
朱千雪未卸任即被捧拍《 On Call 36小時 II》，憑外形討好，工作機會不絕，更由公仔箱迅速跳出去拍電影。單是今年收入已近百萬，話咁易賺個首期返嚟，難怪她近日又再物色樓盤。
|
鍾意就快D Share啦！
|
|
|