[忽然1周 958] 三個小生 Joe Junior 口臭人人怕 MW,

牙周病徵

66歲嘅 Joe Junior牙周病好嚴重， 7年前已經開始牙罅疏，牙肉上移，所以有好嚴重嘅口臭，難得佢老婆當冇事，不離不棄。

媽咪姐

三個小生 Joe Junior　口臭人人怕

十集嘅《三個小生去旅行》話咁快播完，之前謝賢粗口鬧 Joe Junior片段喺 YouTube熱播，事後四哥亦耍曬冧。但事實上，整個《三個小生》團隊，最怕嘅唔係四哥，而係 Joe Junior呀！

事關修哥 80幾歲，加上講嘢口窒窒之餘又唔記稿，四哥只係成日講陳年威水事，所以背稿呀、介紹旅遊點嘅工作，自然由 Joe Junior孭曬。不過佢原來有好嚴重牙周病，一開口講嘢就臭過坑渠，攝影師話彈開幾尺遠都聞到佢嘅「坑渠味」，於是乎就冇人敢埋佢身，搞到佢似孤兒仔咁。唉，有牙周病，佢都唔想嘅，但因為係 teamwork嘛，長期對住個「坑渠嘴」，又真係幾惡頂㗎！

幕後疏遠

成組人都怕咗 Joe Junior嘅口臭，唔係好想行近佢。

片證唔妥

四哥睇唔起 Joe Junior，認為佢唔係自己同修哥級數，唔係惡言相向就唔睬人，仲俾幕後人員放咗佢用粗口鬧 Joe Junior：「 X你老味！快啲上車！」嘅片喺網上瘋傳。

黐實修修

唔止係平時，就算拍攝時，四哥時時刻刻都攬住修修，講當年兩個當紅小生威水史， Joe Junior就要一支公拍嘢介紹景點。

鍾意就快D Share啦！

下一篇 》