[忽然1周 958] 徐淑敏黃浩多搞作 徐淑敏,黃浩,MW,

Suki請日本名模 Lena做公司 1周年嘉賓，又準備齊齊搞 Bra Bra生意，真係飲得杯落！

媽咪姐

徐淑敏黃浩多搞作

無綫封殺壹傳媒，直接影響旗下藝人見報率。最近徐淑敏（ Suki）就同 TVB主動提出解約，以免影響佢嘅護膚品生意。嗯，咁又真係嘅！

好似上月尾 Suki用咗大嚿錢請日本名模藤井 Lena出席公司 1周年慶典，點知因為封殺事件，搞到見報率低曬，梗揼心啦！不過唔怕嘅，有老公黃浩呵番，仲準備揼 500萬俾 Suki搞埋「香味 Bra Bra」生意，所以 Suki搵埋原本返銀行工嘅家姐辭工幫佢手，實行兩姊妹拍住上。

至於做咗傳媒大亨嘅黃浩，近日就以《都市新聞集團》主席身份，同老婆一齊就任海關關員工會會長一職，話會為關員爭取更好待遇。嘩，兩公婆都咁忙，趕唔趕得切做隻「馬仔」出嚟㗎？

當晚海關關員工會就職典禮喺 The One嘅煌府筵開 60幾席，並由助理關長郭雁萍頒發會長委任狀俾黃浩。

Suki都著到靚靚陪老公上台影大合照。

鍾意就快D Share啦！

下一篇 》