[忽然1周 958] 高妹出事 MW,

白面紅唇　 175cm　周汶錡

縱使 Kathy擁有超 fit身材，但呢個白面紅唇妝真係驚嚇多過驚艷，最大鑊係面色同條頸完合唔夾。

媽咪姐

高妹出事

娛圈藝人靠樣搵食，時刻保持最好狀態見人，不過講就天下無敵，做就無能為力，硬係有啲甩漏。

上周五（ 11月 29日），銅鑼灣 LV新店開幕，吸引唔少藝人朝聖。論身形，兩位高妹周汶錡（ Kathy）同梁詠琪（ Gigi），當然 carry得到歐洲華衣美服，可惜佢哋嘅膚質唔多討好。

好似早前先飛完蘇梅度假嘅 Kathy，雖然出動超薄喱士裙上陣，騷胸又露背，可惜背脊嘅泳衣印異常明顯，而且塊面搽到雪咁白，配個烈焰紅唇，好靈異。至於另一人妻 Gigi，當日亦以一身型格造型現身，唔知係咪佢頻頻食中藥穀卵，搞到面腫之餘，仲滿布粒粒，好燥嚇喎！

礙眼泳衣印

Kathy嘅蜜糖膚色其實好健康，但佢背脊嘅泳衣印認真大煞風景，提議佢下次裸曬！

狂留唇印

雖然 Kathy搽咗烈焰紅唇，但佢唔介意滿場飛錫錫其他賓客。不過被錫嗰位葉童老公陳國熹，表情就好尷尬。

遠睇浮腫　 176cm　梁詠琪

Gigi婚後愈來愈飽滿，好在有高度搭夠，不過，塊面就異常浮腫。

近睇多瘡

Gigi皮膚出名無添加咁細緻，不過呢日就滿面粒粒，睇嚟都係近排啪中藥補身所致。

鍾意就快D Share啦！

下一篇 》