插圖： Wendy
揞名爆
囂張「大眼仔」蒲場𤓓爆
有契爺睇住嘅大眼仔，一入行其實發展唔錯，可惜個人唔爭氣吖！唔使幾耐就行差踏錯，搞到一鑊泡，激死父母唔在講，連契爺都為佢頭痕。
好啦！最終件事叫做搞掂咗，「大眼仔」仲可以唱嚇歌。咁都係多得佢有契爺撐，唔少圈中人都俾面啫。不過「大眼仔」睇嚟仲未知死，繼續喜愛夜蒲之餘，個人又 keep住囂張寸嘴，所以唔少蒲友都唔 like佢！
好似有一次「大眼仔」又如常去蒲，佢去到某蒲場雲集嘅商業大廈，見到部𨋢就快閂門，唔理入面已經有好多人，「嗱嗱聲」㩒住道門，想夾硬攝入去。喺呢個時候，𨋢入面有蒲友即刻大大聲講：「姓 X嘅，出番去！」 Well，平日牙擦擦嘅「大眼仔」，俾人喝一喝，馬上嚇窒，死死哋氣出番去。都係嗰句啦，面係人哋俾，架係自己丟嘅。生性啦！後生仔。
邊個係「大眼仔」？
1.高大㗎。
2.有拍戲㖭。
|
鍾意就快D Share啦！
|
|
|