網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月27日 星期五

[忽然1周 961] 搵高人改單字名 陳豪仔契觀音保平安 陳豪,MW,




寶牒還神

2013年陳豪過得非常豐盛,結婚生仔都在今年發生。這次他去求神之餘,更即場買了寶牒還神。外表西化的他去拜神,始終有點格格不入。

打頭陣

搵高人改單字名 陳豪仔契觀音保平安

本月 4日陳茵媺為陳豪誕下重 6磅 11安士的豪仔 Aiden,全城恭賀。新任父母湊 B既興奮又忙亂:陳茵媺要狂穀人奶餵大食 B,陳豪亦要捱眼瞓,但依然笑住講:「好辛苦!但係好享受!」

據知為保阿仔一生安康,向來西化的陳豪夫婦竟然信埋風水命理。由於陳茵媺是順產, Aiden的出生時辰八字冇得揀,所以陳豪託阿媽搵高人幫 Aiden改名補其八字不足,而陳豪亦親身入廟幫阿仔契觀音保平安。

上周四( 19日)下午約一時,陳豪到跑馬地譚公廟祈福,誠心上香化寶,又點了香塔,逗留半小時才離開。

學湊仔、信風水,陳豪爸 B也 upgrade喎!

其他影片

月初陳茵媺為陳豪誕下囝囝 Aiden,初為人父的陳豪急不及待與大家分享湊仔經,狂讚 Aiden靚仔可愛識擺 chok樣,即使要半夜三更起身餵奶換片都好樂意,極度享受湊仔的樂趣。

Aiden個名要有火

除了生活習慣改變之外,陳豪與陳茵媺連思想都有所改變。據知二人自小在外國生活,思想早已洋化,但陳豪最近對風水命理有另一番體會,知情者說:「阿 Mo之前唔太信風水命理,今年初有師傅話佢犯太歲,都係陳豪媽幫佢去攝太歲。但自從生咗囝囝之後佢好想知 BB條命係點,想知佢將來,於是陳豪媽就安排風水師朋友同阿 Mo見面。個風水師傅係碩士畢業嘅後生仔,叫 Ray Cheng,佢哋一拍即合。阿 Mo仲問埋改名用咩字,師傅話 BB命格屬木,水重,係聰明仔,個名有火有土最好,仲俾咗三個名阿 Mo揀,包括陳煜翔、陳顯焙、陳煥嵐。不過阿 Mo好想用單字,最後師傅俾咗五個單字,樂、磊、愷、廷、顯,叫佢五選一。」

拜神期間陳豪發現記者,離開時他只承認去還神, BB的近況就不肯多講。而陳茵媺就乖乖在家坐月未有同行。據知豪仔好大食,故 Aimee每日狂飲魚湯穀奶。

陳茵媺穀奶餵大食 B

入廟做足全套

陳豪忽然對風水命理產生興趣,一切都因做爸爸而起。他希望一家三口平平安安,兒子 Aiden將來健康成長,即使兒子未滿月,陳豪已急不及待去祈福。

上周四( 19日)下午約 1時,陳豪駕駛平時極少使用的白色私家車,頭戴冷帽,單拖到跑馬地譚公廟。現場所見,他先在廟內多處地方裝香,之後廟祝安排陳豪做簡單的化寶儀式,廟祝在旁為他不停唸經祈福,其間隱約聽到陳豪及陳茵媺的名字。陳豪不時合上雙眼,非常誠心。未幾陳豪發現記者,禮貌地用口形向記者說:「拜神,唔好影相呀!」記者惟有暫時迴避一會,其後陳豪到火爐化寶,他整個頭都挨近化寶爐,非常牙煙,可見他非常新手。陳豪完成儀式後更與廟祝聊天五分鐘才離開。記者即場問陳豪是否幫囝囝祈福?陳豪笑曬回應:「今次還太歲!」記者又問他何時為兒子擺滿月酒?陳豪依然笑住說:「遲啲啦!會嘅!」說罷便急急腳上車,返回大埔比華利山寓所。

誠心上香

上周四( 19日)下午一時,陳豪獨自前往跑馬地譚公廟,入廟後他先四處上香,非常誠心。

合十狂拜

之後他再合十狂拜,記者見他全程雙眼緊閉,口中唸唸有詞。

廟祝協助

陳豪拜神絕不馬虎,在一男一女廟祝協助下,他做足求神及還神的步驟。在女廟祝的指示下,他向神壇鞠躬達五分鐘。

親自化寶

之後陳豪更親自到火爐化寶,記者見他上半身及頭也挨近火爐,好牙煙。

女廟祝

譚公廟的女廟祝承認陳豪近兩個月經常前往該廟拜神,還讚他夠誠心,「佢好好學,唔識點拜會問得好清楚。」

男廟祝

男廟祝則表示陳豪為人好友善,沒架子,連點香塔都不記名,好低調。

買香塔供奉

本刊記者事後到跑馬地譚公廟與當日教陳豪拜神的廟祝閒聊,得知陳豪原來近月才是譚公廟常客,最近更豪擲萬元,為初生兒子 Aiden及老婆陳茵媺買香塔供奉菩薩一年。廟祝指每個香塔可燃點半個月,每逢初一十五換上新的,一般人買香塔供奉,都會在香塔內吊著的紅卡上寫上祈福者名字及祈福字句,但陳豪愛低調,向廟祝表示供奉菩薩在心中,不用寫上名字,所以陳氏一家的香塔並沒有紅卡。

出世只有六磅十一安士的 Aiden,每兩小時都食一次人奶,食飽就瞓好長肉,現在已經有七磅幾重喇!

坐月過聖誕

正在坐月的陳茵媺,產前已把家中布置得非常有聖誕氣氛,今年的冬至與聖誕節,她都安坐家中與 Aiden共度。

魚湯穀奶

注重健康飲食的陳茵媺,產前被本刊影到在超市揀牛奶。據知她為滿足大食豪仔的需求,每餐都狂飲陳豪媽炮製的木瓜魚湯及鮮奶魚湯狂穀,確保有足夠奶水。

除了祈福外,出世只兩星期的 Aiden原來已與觀音上契,知情者續說:「阿 Ray(風水師)算過 Aiden個命格,契觀音會有助健康,又可保家宅平安,阿 Mo寧可信其有,所以就聽阿 Ray講幫囝囝同觀音上契!早一個禮拜,阿 Mo帶埋 Aiden去筲箕灣間譚公廟同觀音上契。嗰日天氣涼涼哋, Aimee要留喺屋企坐月。阿 Mo驚 Aiden冷親包到成隻糉一樣,為咗避開傳媒耳目,佢朝早八點未夠就出門口。阿 Mo大佬幫手準備上契儀式用嘅乳豬同水果,由阿 Mo代表上香,儀式一啲都唔馬虎。」

萬千寵愛的 Aiden,除了有觀音保佑外,亦不乏一眾長輩愛錫。上周五( 20日)下午約一時,陳豪哥哥駕車送豪媽到比華利山寓所,幫手照顧乖孫 Aiden及新抱陳茵媺。據知本身擁有 40年診症經驗,是資深中醫的陳豪媽每日都親自調製廿八方(產婦坐月連續 28天服用藥方)給陳茵媺補身。她還堅持每日朝早去街市買木瓜及魚等,煲木瓜魚湯及鮮奶魚湯。據知陳茵媺向親友表示想餵人奶餵足九個月,現在有陳豪媽的愛心湯水,應該事半功倍。而近日陳茵媺雙親亦從加拿大多倫多來港,探孫之餘亦與陳豪媽輪更照顧兩母子。周日( 22日)冬至,陳茵媺父親更駕車送親友離開比華利山。

堅持餵母乳

據陳茵媺身邊人透露,現時她餵人奶好辛苦,每兩小時便要餵一次,即使有預先準備好的母乳儲備, Aiden每逢三更半夜喊,陳茵媺都忍不住起牀,堅持親手餵哺。加上近日天氣乾燥, Aiden皮膚出現輕微紅疹,陳茵媺每日都好有心機幫兒子搽潤膚膏,認真勞心勞力。

曾是中醫的陳豪媽,自 Aimee產子出院已貼身照顧。

陳豪媽每日均不停往返將軍澳住所和大埔比華利山,照顧新抱同孫仔。上星期五( 20日)陳豪哥哥負責做司機接載陳豪媽出入。有呢個咁好哥哥,陳豪可以專心搵奶粉錢啦!

留無綫有轉機

陳豪本來有意約滿無綫後離巢,但有傳其經理人嘉莉被升職經理後,陳豪打消離巢念頭,加上小 Aiden剛出世,留在無綫定可助他事業平穩發展。

陳茵媺停工湊仔,陳豪自然要努力搵奶粉錢。一直傳陳豪與經理人嘉莉約滿後會自組公司接 job,不過近日有消息指,無綫打算將樂易玲調到上海分公司 TVBC,原本的經理位由陳豪經理人嘉莉頂上。即將滿約的陳豪,隨時繼續效力無綫,到時可多點時間陪妻兒。今次陳豪去求神,唔知有冇求埋事業順境呢?

譚公廟求家宅

一般人點香塔都會在紅紙上寫上姓名,但亦有不少人點無名香塔。譚公廟的香塔約 400元一個月,而陳豪就連香油每月付 1,000元。

愛子心切的陳豪,為囝囝 Aiden祈福的譚公廟位於跑馬地,內裏不但供奉譚公、北帝和同祀神靈,還有觀音、女媧、呂祖、慧能及五方財神。譚公昔日被視為海上安全之神,早年不少漁民都去祈福,時至今日主要是求家宅平安居多,香火十分鼎盛。現時除跑馬地外,還有筲箕灣、香港仔及東平洲有譚公廟供善信參拜。

契觀音健康好

原來小 Aiden腳頭唔錯,不但和媽媽感情要好,更會帶旺爸爸陳豪。玄學家麥玲玲表示:「 Aiden命格屬木,會好黐媽咪,但就旺爸爸多啲。 BB係個思想型強嘅人,不過好快就要離鄉別井,可能係去第二度讀書。外形同爸爸一樣會係高大同靚仔。( BB同觀音上契後會點?) BB上契觀音,可以令佢再健康啲, Aiden身體冇咩大問題,只要注意嚇啲皮膚就好好喇!」

豪仔 Aiden出世至今大家都只見到佢個側面同埋一隻小手,現階段陳豪正為囝囝的中文名五選一而思量。

娛二代單字派

近年好多人鍾意幫仔女改個單字中文名,圈中唔少父母都跟潮流,個名得兩個字,第時小朋友返學俾老師罰抄自己個名都容易啲啦!

羅敏莊與陳國邦女兒:陳禛

王菲與李亞鵬女兒:李嫣

朱茵與黃貫中女兒:黃鶯

陳慧琳與劉建浩兒子:劉昇與劉琛

雙陳父母輪更照顧

陳茵媺父母早前專程由多倫多返港,照顧愛女與外孫,見乖孫已過十二朝,周日( 22號)接載親友到比華利山睇 BB。

年初陳豪豪花 3,000萬,購入比華利山一個 4千呎獨立屋,今次還接外父外母來港同住,加埋每日都來的陳豪媽,間屋好熱鬧。

其他影片


鍾意就快D Share啦!