全城熱爆的娛樂八封新聞 & 時事趣聞 & 生活 + 趣聞
中年發福嘅輝兄，等候過馬路期間拖到老婆實一實，真係細心到呢。
男人有好多種，最簡單分為「好」同「壞」，仲有「大」同「小」。好似影帝梁家輝，佢就有啲複雜，表面上係一個大男人，但對住老婆江嘉年，不自覺變「小」，流露溫柔嘅一面。
雖然有輝兄提示，但江嘉年依然有講唔完嘅電話。
早幾日，媽咪姐見到佢同老婆喺中環出現，似係行去大會堂停車場攞車。媽咪姐見佢哋過馬路時，江嘉年樂得做小鳥依人，跟實老公。入到停車場，江嘉年邊行邊講電話，梁家輝細細聲提老婆：「小心睇車呀！」就係呢個溫馨提示，睇得出梁家輝係屬於鐵漢柔情嘅男人。
