熱爆娛樂: [忽然1周 961] 收視跌　視帝五強不入　黎耀祥新居破人氣黎耀祥,MW,

2013年12月27日星期五

[忽然1周 961] 收視跌　視帝五強不入　黎耀祥新居破人氣黎耀祥,MW,

本月 6日，黎耀祥面對記者追問他有否要求延期播《巾幗 3》時，一概詐作不知，不過，承認自己為新屋睇風水。

為健康睇風水！（真實對白）

娛樂喧

收視跌　視帝五強不入　黎耀祥新居破人氣

無綫今年的玩嘢頒獎禮，不但打殘 Chilam及吳鎮宇，就連曾是視帝三連霸的黎耀祥都慘食白果，五強不入。

事有湊巧，篤信風水的黎耀祥，今年 4月開始，由碧堤半島風水屋搬入月租 5萬的上水古洞「天巒」獨立屋後，主演的兩齣劇《神探高倫布》及《法外風雲》收視連環仆，最終連視帝五強都不入。

據知得悉新屋風水欠佳後，祥仔已急急請古天樂禦用風水師苗師傅補鑊，在家中重設風水局。而堪輿學家譚雲龍亦批︰「祥仔新居大門對正開叉樹，呢棵『頂心杉』利財不利名，搵到錢但人氣跌。」

上周一（ 16日）台慶頒獎禮，自知視帝無望的黎耀祥冇乜心機，當眾按機估視帝誰屬，亦顯得不耐煩。

今年視帝已塵埃落定，但邊個攞視帝都要天時地利人和，而黃子華能夠問鼎視帝，都要多謝黎耀祥的順水推舟。由祥仔主演的《巾幗梟雄之諜血長天》，本來安排在 11月播出，但之前祥仔見自己兩劇連仆，收視創新低，於是主動向曾勵珍及樂易玲要求將《巾幗 3》押後至明年播放，最終該檔期由《 My盛 Lady》頂上，間接造就黃子華做視帝。

要求延期播《巾幗 3》

「祥仔同珍姐、樂小姐講，話自己今年已經有兩部劇唔收得，好擔心連累《巾幗 3》都唔掂。珍姐同樂小姐都好錫佢，於是將《 My盛 Lady》提前播，希望有收視保證嘅黃子華做番靚個數，等機會至上《巾幗 3》。但其實子華之前計好，套劇會等到佢明年開《棟篤笑》前播，後來知道提前播都唔多高興，不過依家真係錯有錯著。」知情者說。

祥仔亦知舊屋風水最夾自己，不過，自從他 09年升呢做視帝後，年賺二千萬。搵到錢自然想住大些。去年尾，他已瞄中比舊居大一倍，面積二千多呎的上水古洞「天巒」獨立屋，於是今年中他將舊屋碧堤放租。

「頂心杉」破人氣

黎耀祥天巒獨立屋的大門對面行人路有棵大樹，堪輿學家譚雲龍指該樹開叉，為之「頂心杉」，不利名氣。

為愛子遷居

天巒位於上水古洞，臨近雙魚河，入夥於 10年。天巒內全是兩層獨立屋，環境幽靜。而且有私家籃球場、遊泳池等設施，黎耀祥愛子黎正橋熱愛運動，最適合不過。

黎耀祥新居大門設有人造水池，譚雲龍師傅指出，水為財，流動的水唔會流失，財氣不錯。

舊屋留風水陣

篤信風水的祥仔深知命格欠水，所以對舊居租客亦十分揀擇，只揀任職屬水行業如空姐、消防員做租客。又指明租客不得移動舊居內的金龍、金馬及一對吉祥瑞獸石獅子，力保舊居的風水局。而苗師傅亦在新屋再布風水陣，但卻未能令祥仔持續人氣。

黎耀祥 4月搬新屋，同期播映的《神探高倫布》收視低見 22點（約 141萬觀眾）。前一段時間由他及陳豪雙視帝孭飛的《法外風雲》，最低收視亦只有 26點（約 167萬觀眾），與他的當打劇《義海豪情》最高收視 47點（約 302萬）比，跌咗近一半，流失了逾 130萬觀眾。

本月 6日，記者詢問黎耀祥要求延期播《巾幗 3》及搬屋破風水局一事，他不願多談，只認新居有睇過風水，卻強調自己唔迷信。

黎耀祥風水布局以穀健康及財運為主，因為他希望把握當紅時間盡量賺錢，等愛子黎正橋（中）及妻子梁耀蓮（右）有更舒適生活。

譚師傅指出，祥仔雖然搬屋唔搬風水陣，但他在碧堤半島舊居所擺的風水陣，對他已經起唔到作用。

記：之前《巾幗 3》同《 My盛 Lady》調時間播，搞到黃子華唔高興喎！

黎：我唔知喎！

記：聽講你同樂小姐反映，想《巾幗 3》明年才播？

黎：點到我哋話事吖！

記：你冇提議過？

黎：大公司都有節目部阿頭、有總監、有製作部、有藝員部，有時仲要就啲廣告客戶，咁易使到橫手咩！

記：之前《神探》收視未如理想，咁啱嗰時你搬咗去「天巒」，有冇搵師傅睇過風水？

黎：我都唔係好信風水呢啲，不過大家覺得我迷信。風水都有睇，但我睇風水都係 for健康啫。

黎耀祥被發現多次睇風水，又傳種生基，呢啲叫唔叫迷信，真是見仁見智。