插圖： Wendy
揞名爆
「斯文人」片場大口氣
年公仔箱青黃不接，成日要搵啲舊人回巢，「斯文人」就係其中一個。有名你叫，佢個樣斯斯文文，最啱扮演專業人士，都幾受 C9歡迎㗎！
不過，咪睇佢喺公仔箱講嘢溫溫柔柔、陰聲細氣，查實佢近年都幾大口氣㗎！好似有次佢拍拍嚇劇走咗埋一邊傾電話，大約十分鐘後先返嚟，咁啲工作人員咪順口問佢有乜咁好傾呀？「斯文人」就話：「無呀，頭先放咗隻股票，賺咗六、七萬啫！」嘩，啲語氣真係非常之咁「輕描淡寫」，但又好曬囉。然後，「斯文人」又「唔覺意」俾人知佢著緊件底衫都要成三、四千蚊，連卡佛有售。
係嘅，近年呢位電視小生返大陸搵埋唔少人仔，炒股又賺到嚇錢，依家連拍劇都成日出私夥車呀私夥衫咁。咁富貴，唔曬嚇就有鬼咯！
邊個係「斯文人」？
•有家室㗎嘞。
•以前成日做奸角㗎！
|
鍾意就快D Share啦！
|
|
|