[忽然1周 962] 車婉婉 老公有來頭 車婉婉,MW,

車婉婉同 Johnathan拍拖三年先決定結婚，一向係星座神婆嘅婉婉話無幫呢段情算過，選擇相信自己。

媽咪姐

車婉婉　老公有來頭

最近娛樂圈嘅喜事真係特別多，好似安仔 Sammi 22年情終於修成正果，佢哋仲犀利到 11月尾先喺峇里同親友慶祝，再去日本過二人世界，跟住去埋布吉參加車婉婉婚禮㖭！不過，媽咪姐覺得車婉婉都唔弱㗎，佢個澳籍老公 Johnathan係遊泳好手，除咗喺澳洲贏過唔少比賽外，仲代表過香港出賽，世界排名仲入過 Top 120之內。但運動員生涯畢竟有限，所以已經轉咗行做遊水教練，仲有自己嘅公司。

金牌教練

身為遊水教練嘅 Johnathan，當然唔少得同學生影相合照。若婉婉成功造人，香港隨時出多個「飛魚王子」啦。

另外，媽咪姐亦八到自婉婉決定結婚後，除咗本身經營緊飲食同 Spa嘅生意外，最近仲簽咗唱片公司準備出碟，果然係獨立自主嘅現代靚太呀。

相差 6歲

查番婚姻登記處紀錄，原來婉婉（原名車沅沅）早於上月 26日已經入紙註冊。根據結婚通知書顯示，兩人屬姐弟戀，睇嚟當中一定經過唔少難關。

好友撐場

當日婉婉只邀請少量嘅好友觀禮，其中就有鄭秀文（右三）同許志安（左二）。不過已經求婚成功嘅安仔依然好避忌，同未婚妻 Sammi分開企㗎。

鍾意就快D Share啦！

下一篇 》