網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月3日 星期五

[忽然1周 962] 微博慨嘆經歷多次試煉 周慧敏倪震各自搵食 倪震,周慧敏,MW,




滾熱辣

微博慨嘆經歷多次試煉 周慧敏倪震各自搵食

08年倪震夜店激咀大學生張茆,激到周慧敏發聲明宣布分手,但一星期後竟復合兼閃婚,震驚娛圈。至今結婚五年,近年周慧敏密密工作搵銀,倪震則樂得清閒,由他打骰的波樓,職員聲稱半年冇見過其蹤跡。

平安夜,周慧敏在美國康州登台返港,聖誕新年都沒與倪震一起外出慶祝,其後多天還各自出街搵食。上周六( 12月 28日)周慧敏獨自到餐廳醫肚,看似心事重重。翌日( 12月 29日)下午四時,輪到倪震單拖踎茶餐廳,食飽孤獨返家。

夫婦二人除了各自搵食,周慧敏於平安夜更在網上發表長達千五字的感言,慨嘆一次又一次經歷試煉,似是若有所指。

其他影片

玉女掌門人周慧敏自從 08年嫁倪震後,一直密密搵錢,除了在港經常出席公開活動,近幾年更舉行世界巡迴演唱,美加東南亞四圍登台。最近更搵埋古巨基女友 Lorraine做經理人,自組製作公司出碟,忙到甩轆。

孤身赴美

上月中( 20日)周慧敏飛美國康州做兩場巡迴演唱會,當日她上載機艙自拍照到微博。表演當日周慧敏絕對唔 hea, 46歲又唱又跳,出動埋 deep V短裙吸睛。

炒股度日

老婆有價有市,相對之下倪震顯得較清閒。據知近年他愛安坐家中對住電腦炒股,知情人士透露:「阿 Joe(倪震)以前都有返波樓巡視業務,雖然間波樓實際上佢冇股份,但賺到錢佢都有得分。佢會同啲客傾偈,睇嚇有咩改進,有時仲帶埋阿 V(周慧敏)去篤波。不過近半年佢好少落去喇!依家喺屋企炒股維生。間屋兩個單位打通有幾千呎,有時同阿 V可以同屋都唔見面。」

記者由聖誕到元旦一連八日在倪震跑馬地寓所守候,發現他不時單拖出外搵食。上月 19日約下午三時,他獨自步出寓所,穿黑衫黑褲戴黑超,著住舊款帆船鞋,打扮老土之餘身形亦發脹不少。倪震先到銀行,再去附近麥當勞買包,記者見他買了一人分量的套餐返家,明顯冇預老婆份。

其實當日( 19日)周慧敏仍身在香港,為翌日飛美國康州進行巡迴個唱進行最後綵排。

隻身赴美,周慧敏難免孤單。鮮有公開內心世界的她,在平安夜返抵香港,即在微博及 facebook上載一段文章,剖白信主後對聖誕節有另一番體會。當中提到受浸後,「經歷了一次又一次的試煉」,以及「欣然面對未來的考驗」。事業順境的周慧敏,所指的試煉與考驗看來並非關於其事業。

12月 29日搭枱才子

翌日下午四時,倪震單拖出動,戴住 cap帽黑超,到寓所附近的茶餐廳食豬扒飯,面對陌生人搭枱,他照樣大吃大喝。

12月 19日老麥買外賣

上月 19日,宅男倪震去麥當勞買包,買咗一個套餐即急急腳返家,經常食快餐對身體冇益喎!

1月 1日元旦獨食

元旦日( 1月 1日)下午二時半,倪震再獨自外出買漢堡包,連日都冇同老婆一齊外出搵食。

素顏一人午餐

完成美國站巡迴個唱後,周慧敏趕及回家過聖誕,聖誕日及 boxing day她都沒有外出。上周六( 28日)下午三時,周慧敏獨自到寓所對面的餐廳食午餐,雖然離家只幾步路,但她打扮得好整齊, 46歲素顏依然散發玉女氣質,不過只有自己撐枱腳,全程玩手機打發時間。

你有你生活,我有我忙碌。翌日( 29日)下午四時又輪到倪震出動,今次他不吃老麥,去了茶餐廳同陌生人搭枱食豬扒飯。連日來周慧敏與倪震都沒有一起外出,就連元旦日( 1月 1日),倪震也是獨自外出買包醫肚。

往日孖公仔

周慧敏與倪震以往經常被傳媒拍到出雙入對,去年更結伴到埃及旅行,但近月兩人都沒有一起公開露面。

周慧敏與倪震的愛巢位於跑馬地金山花園,早年是周慧敏和媽媽居住,自多年前周媽媽病逝後,倪震就入住至今,業權由周慧敏持有。《蘋果日報》圖片

波樓拍烏蠅

兩年前,倪震打骰的 Joe's Billiards& Bar在旺角開分店,倪震非常緊張,還出動老婆周慧敏和父親倪匡幫手宣傳。記者上周六( 28日)晚上八點到波樓幫襯,發現全場只有小貓三幾隻。記者以客人身份與職員閒談,問到倪震及周慧敏會否經常來?職員說:「佢(倪震)好少嚟喇!我呢半年都冇見過佢,周慧敏都冇嚟打波啦!」事實上,周慧敏近年也沒有像以前般,幫波樓做生招牌經常去打躉。

波樓生意清淡,又同老婆各自搵食,倪震事業與感情同樣要多花時間與心機喎!

波樓冷清清

女職員證倪震冇影

記者上周六( 28日)到 Joe's Billiards& Bar旺角分店視察,當晚八時許正值黃金時間,但只見一張張空櫈,其中一名女職員更表示近半年好少見倪震來巡視業務。

2012年瞓身宣傳

2012年波樓開業時,倪震不停接受訪問高調宣傳,更引入當時勁 hit的飛鏢機,生意唔錯。開張當日他更搵埋老爸倪匡及老婆周慧敏到場造勢。圖片

平安夜千五字留言

平安夜當晚,周慧敏在微博及 facebook上載了一篇長達千五字的感性文章賀聖誕,內容大致講述她對聖誕節的領悟。文章尾段更提到「受浸後,我經歷一次又一次的試煉,藉著這些試煉,我學會信神和順服神」以及「欣然面對未來考驗」。倪震出軌事件是在 08年發生。周慧敏是在 09年開始返教會,換句話講,從 09年至今發生了多次事件,觸動到周慧敏的神經,亦被她看成是一種試煉,不禁令人懷疑是否與感情事有關。

08年倪震被揭夜店啜爆大學生張茆,最終得到周慧敏原諒,未幾兩人還在家中簽紙註冊結婚。

玉女長做長有

玉女掌門人周慧敏雖然年屆 46,但仍然有價有市。 2013年周慧敏除了世界巡迴演唱搵銀之外,更深得各大護膚品牌喜愛,頻頻做代言出席活動,最近連國內樓盤活動都邀她出席,豬籠入水。

其他影片


鍾意就快D Share啦!