[忽然1周 962] 群星追憶梅艷芳 梅艷芳,MW,

梅姐好友喺佢逝世十周年，送俾佢一個充滿友愛又驚喜嘅音樂會，喺天國嘅梅姐一定收到呢份心意。

媽咪姐

群星追憶梅艷芳

2013年 12月 30日，係一代巨星梅艷芳逝世十周年，為咗表達對亡友嘅懷念，張學友同曾志偉搞咗個《梅艷芳· 10·思念·音樂·會》。為咗呢個騷，學友仲逐一打電話聯絡梅姐生前好友包括張曼玉、鍾楚紅、劉嘉玲、梁朝偉、成龍、袁詠儀、林子祥、張惠妹、草蜢及何韻詩等等出席。

當晚眾星輪流上台發表對故友思念，志偉率先喺台上分享感受，「十年前喺醫院唔想宣布阿梅離開大家嘅消息，之後同傳媒前輩商量，佢俾咗 5個字阿梅──『香港的女兒』。」全場近 8千 fans亦揮動手上嘅紅玫瑰，場面感人。啱啱仲有人發起，喺星光大道豎立阿梅嘅銅像。咁當然係好啦！一位咁有氣度風度嘅一代歌後，絕對值得我哋永遠懷念。

最落力

學友以〈赤的疑惑〉唱出對梅姐嘅思憶。其實身為搞手嘅佢，俾其他歌手先揀歌唱，揀剩嘅，先俾自己唱，真係一心為阿梅。

最眼淺

跟梅姐感情深厚嘅劉德華壓軸出場，唱出〈似水流年〉，其間更一時感觸，眼泛淚光。

少有露面嘅林憶蓮深情演繹出梅姐嘅〈蔓珠莎華〉。係當晚高潮之一。

同梅姐相識廿年嘅張曼玉一出場已鼻紅眼濕，喺台上隔空對梅姐講：「阿梅，我哋每個人都好愛你，同埋我永遠都欣賞同尊重你，多謝你！」

身負腳傷嘅郭富城忍痛上台，邊唱邊跳梅姐經典名曲《夢伴》，現場反應甚為熱烈。

Eason當晚將跟學友嘅合照放上微博，並寫住「烏蠅哥與 Jacky仔」，連學友喺《旺角卡門》叫烏蠅哥都記得，果然係超級粉絲呀！

梅媽覃美金亦有到場，志偉上前握手慰問。梅媽仲話自己依家無曬錢，媽咪姐只想講，天無絕人之路，好好生活啦。

鍾意就快D Share啦！

下一篇 》