全城熱爆的娛樂八封新聞 & 時事趣聞 & 生活 + 趣聞
袁潔瑩（ Fennie）入行咁多年，講真，代表作欠奉！加上早年患上厭食症，體重得番 77磅；而情路坎坷嘅佢，近年又突然轉「性」，戀上阮嘉欣，不過最後都係分手收場。
早排 Fennie亦俾曾志偉邀請去無綫幫手拍佢監製嘅《女人俱樂部》，媽咪姐發現開工期間嘅 Fennie成日唔食飯，但就永遠煙不離手！再睇真啲，佢竟然戴住對白手套食煙咁奇怪！問番工作人員，原來佢有潔癖，唔想煙味整臭隻手喎。嚇，咁不如索性戒煙咪免卻麻煩囉！
袁潔瑩食煙不停 chur，快過食生菜，兩三下手勢就 chur完一支（右圖），如是者入廠一日就出入多次。
早前，袁潔瑩、李麗珍、葉蘊儀獲邀做無綫頒獎禮頒獎嘉賓，其間 Fennie右手都係黑手黨上身，講真，潔癖同怪癖其實一線之差。
