全城熱爆的娛樂八封新聞 & 時事趣聞 & 生活 + 趣聞
做過財爺，果然眉精眼企！當老婆仔女仲雲遊緊，梁錦松好快就發現媽咪姐。
前中國跳水皇後伏明霞自從嫁咗前財爺梁錦松做少奶奶， 10年間就幫梁家生咗 3個仔女，分別 10歲、 9歲同 5歲。
大女梁司渝今年 10歲，人仔細細已去到媽咪伏明霞嘅耳仔底，相信仲有排高。而好耐無見嘅伏明霞，好似又肥咗唔少喎，同瘦削嘅梁錦松真係一凹一凸，襯絕！
年廿九，梁錦松一家五口就現身機場， 3個仔女雖然年紀細細已經坐頭等，但係現場所見，佢哋都屬文靜派。臨入閘時梁錦松發現媽咪姐，仲好 nice咁揮手㖭。呢啲咁親民嘅小動作，莫非係想為參選下屆特首做準備？
