娛樂喧
月花十萬養家 爛做喬寶寶玩轉伊健
喬寶寶回歸了！去年八月，喬寶寶被迫到英國陪老婆坐移民監，後來寶嫂終獲三年居留權陪兒子醫病。喬寶寶放下心頭大石，專心返港賺錢。近日他接拍首個廣告，出動十多套私夥服飾再扮鬼扮馬；又打算再開楝篤笑，為搵銀滿肚密圈。
喬寶寶密密做，全因為一家四口每個月開支達十萬。為了替寶嫂搞居留，喬寶寶大部分積蓄亦被鎖死在英國。他希望三年後儲夠錢再搞生意，難怪拍攝廣告時出盡法寶，一人分飾多角，連鄭伊健古惑仔「浩南」形象都出埋，咁當然係搞笑版，成功袋走近廿萬。
去年尾回流返港後，喬寶寶積極部署重回娛樂圈。除了拍劇，近日更一人分飾五角，接拍「 A King紙卷皇」廣告。復出第一擊，喬寶寶非常重視，帶備十多套服飾，任由廣告商揀選。
出動多套私夥服
現場所見，喬寶寶要扮印度人、古惑仔及財神等五個造型，更要在短時間內講大堆對白，非常考記性。不過喬寶寶在現場依然發揮搞笑本色，準備扮古惑仔時，喬寶寶忽然問：「要唔要梳嚇啲毛？」然後又對記者說：「你見過古惑仔咁多毛未？」喬寶寶拍攝時多次爆肚笑爆全場，形象入屋的他，難怪廣告長做長有。
在廣告商安排下，喬寶寶接受本刊訪問。被問到自備十多套私夥服飾，他笑說：「我嘅身形咁特別，好難搵到合身裝束。呢度每件衫都刻咗我個名，出私夥效果靚啲，我都希望多啲人搵我做嘢，依家要搵錢呀。因為計劃三年後儲夠錢，再做老闆！」
自資搞棟篤笑
原來去年回英國坐「移民監」時，喬寶寶將大部分積蓄全部過曬落寶嫂銀行戶口，以便寶嫂換取居留權。可惜寶嫂只獲三年居留權，永久居留權要待三年後再審批，故喬寶寶的積蓄亦被鎖死，是次回港是「由零開始」。加上喬寶寶每月開支不菲，在香港租樓及生活費已要四萬，連埋兒子在英國的醫療費及家人的生活費，每個月的開支要十萬，他惟有密做冇停手。
喬寶寶說：「我『爛做』嘛，收現金有九折優惠㖭，講嚇笑啫！返嚟梗係扮鬼扮馬搵錢，又會登台，最想係開棟篤笑 Part 2。我知道去年 Part 1成績 OK，上次我只係每場收酬勞，呢次我會考慮自己做唔做埋投資者，但係要睇埋呢幾個月嘅工作至決定。冇辦法啦，依家得我一個養家，辛苦啲都要。總之我自己可以慳，屋企人就唔可以慳！」
據知喬寶寶的廣告價達廿萬，加上每星期都有登台，足以應付每個月的開支。拍攝到尾段，喬寶寶突然煞有介事問本刊是邊間，當他知道記者是《忽周》時，隨即封嘴話：「唔好意思，唔答得你！」據知喬寶寶只是大台普通藝員，冇簽經理人約，但都被勒令封嘴，「霸權」橫行可見一斑！
外籍演員捱出頭
香港是中西文化薈萃之地，外籍演員在香港也有發展機會，只要有實力，總有機會捱出頭。
|
鍾意就快D Share啦！
|
|
|
