熱爆娛樂: [忽然1周 967] 食有米亞姐又溝鍾嘉欣　陳展鵬一腳踏兩船陳展,鍾嘉欣,MW,

2014年2月7日星期五

[忽然1周 967] 食有米亞姐又溝鍾嘉欣　陳展鵬一腳踏兩船陳展,鍾嘉欣,MW,

行埋半年

上月 15日，陳展鵬約了一班亞視好友在將軍澳一酒店食肆慶祝 37歲生日。當日遲到的陳展鵬，更不避嫌和樓茜妮繑實到場，食飯時陳更主動搭著女友膊頭。

打頭陣

食有米亞姐又溝鍾嘉欣　陳展鵬一腳踏兩船

大台近年鬧小生荒，由亞視過檔的陳展鵬（煎 pang），極速冒起成當家小生。男人有事業自然有女人埋身，先後與火辣貝安琪、童顏李綺雯傳出緋聞的煎 pang，近日遭周刊踢爆和鍾嘉欣假戲真做，繼遭記者撞破同車後，日前二人更在深山溫馨拖手。

鵬欣戀表面證供成立，但日前有讀者向本刊爆料，指男方原來背著嘉欣 BB，秘密收埋另一女友。據知，有鋪嗒亞姐癮的他，半年前暗撻 99年亞姐冠軍樓茜妮，線人更指上月中（ 1月 15日），煎 pang不避嫌偕女友到將軍澳一酒店食肆，慶祝自己 37歲生日。有圖有真相，一心諗住棄舊愛，投入新歡懷抱的嘉欣 BB，今次認真遇人不淑。

發力狂追

陳展鵬和鍾嘉欣自從去年拍罷《巨輪》後，陳一度自稱太過入戲「抽唔番出嚟」。直至近日，二人再度同劇拍《大藥坊》，被記者拍得手拖手上落山，二人感情大躍進，但原來陳背著鍾與有米亞姐樓茜妮行埋咗半年。

陳展鵬對感情事向來小心， 08年他由亞視過檔無綫時，與亞姐冠軍姚佳雯（現改名姚嘉雯）撻著，兩人秘戀三年，亦只得少數熟朋友知道。其後陳展鵬憑劇集《真相》嶄露頭角，為免影響事業，狠飛女友兼否認戀情，結果成功與馬國明齊名「筍盤」之列。而早前舊愛嫁作人婦，陳仍堅稱二人是好朋友，可見他為鋪上位之路，選擇六親不認。

鵬欣戀火燒

得林百欣寵愛

樓茜妮當選亞姐期間，甚得當時的亞視老闆林百欣寵愛，樓更試過當眾餵老闆食至愛的魚柳包，十分識撈。《蘋果日報》圖片

棄舊愛等上位的煎 pang，去年中拍《巨輪》時，卻一反常態，不避嫌管接管送同劇拍檔鍾嘉欣，兼買埋麥記早餐侍奉，令戀情不脛而走。直至去年十月，他在上環信德中心外撞車，同車嘉欣慌忙跳車令地下情曝光。雖然鍾事後急澄清與煎 pang純屬朋友關係，但日前二人在飛鵝山拍新劇《大藥坊》外景期間十指緊扣離隊，種種跡象，顯示二人已非最初僅是熒幕情侶咁簡單。

暗撻過氣亞姐

拍新劇日對夜對，加上男方施展猛烈追求攻勢，鍾嘉欣芳心暗動，同時亦重新審視拍拖六年的伍允龍之間的關係。可是，一心打算投奔煎 pang懷抱的鍾嘉欣，相信萬料不到，新歡竟然背著她一腳踏兩船。本刊日前收到消息，指煎 pang發力追鍾嘉欣期間，同時搭上 99年亞姐冠軍樓茜妮。知情人更提供多張相片，是今年 1月 15日，亞視員工為煎 pang慶生時拍的。從相中可見，煎 pang與樓茜妮十足糖黐豆，無論切蛋糕或大合照，樓都挨在男方身旁，當友人為煎 pang拍獨照時，坐在旁邊的樓亦不禁流露甜絲絲表情。

知情人透露：「煎 pang好少帶女友出席聚會，就算以前同 Eunis（姚嘉雯）一齊咁耐，佢都只係帶過出嚟一、兩次。不過呢幾個月我哋約親聚會，佢都同 Teresa（樓茜妮）一齊嚟一齊走。嗰次煎 pang生日， Teresa攞住個蛋糕，繑實煎 pang隻手上嚟。到食飯嗰陣，佢哋又你夾餸俾我，我夾餸俾你。有人笑佢哋眼寃，點知 Teresa就嗲曬聲咁話『哎吔！咁我係佢女朋友嘛！』當時煎 pang亦都笑笑口冇否認。跟住有口痕友問佢哋幾時結婚，呢一次兩個就你眼望我眼冇答到！」

情深望實

當晚食飯期間，樓茜妮經常情深款款望實陳展鵬，二人更不避嫌互相夾餸給對方，自製溫馨甜蜜場面。

自稱女友

據線人透露，當晚樓茜妮曾多次對著同枱的亞視幕後員工，自稱是煎 pang的女友，而陳亦沒有否認。當眾人起哄二人何時拉埋天窗時，二人只對望而笑，甚有默契。

撻著半年

愛火重燃

同是亞視出身的煎 pang和樓茜妮， 02年拍攝電視劇《萬家燈火》時曾傳出撻著，直至去年，二人在一朋友聚會中重逢，愛火重燃。

據知，樓茜妮自 99年當選亞姐冠軍後，拍劇不多的她，直至 02年和陳展鵬拍亞視電視劇《萬家燈火》結識，而未紅前的煎 pang，當時曾是樓的觀音兵。知情人透露：「嗰陣煎 pang朝朝陪 Teresa入廠，去到邊跟到邊，佢仲話 Teresa第一次拍劇，驚佢等得耐悶親，所以買定零食俾佢。不過煎 pang雖然係男主角，但亞視幾多人睇大家心照啦， Teresa本身又眼角高，佢一向唔掩飾要釣金龜做少奶，所以煎 pang追追下見冇行，都放軟曬手腳囉！」直至半年前，二人在一朋友聚會相遇，對著現時已是一線小生的煎 pang，樓茜妮態度明顯大不同，除主動約對方睇戲食飯外，據知本身住禮頓山豪宅的她，亦間中會到陳展鵬位於將軍澳維景灣畔的寓所短敍。女追男隔重紗，煎 pang難抵對方熱情下，二人火速行埋。

告白惹思疑

可是，已有秘密情人的陳展鵬，對著鍾嘉欣依然我心不死，早前公開在電台自爆對鍾「情根深種」：「終於明白前輩所講抽番出嚟係幾咁辛苦，嘉欣真係一個好好又好靚嘅女仔，要抽番出嚟，今次係有少少難度。」據知，煎 pang此番告白曾令樓茜妮起疑心，更試過質問煎 pang和鍾嘉欣關係，但煎 pang卻指和對方只是煲水新聞，是公司刻意營造熒幕情侶關係。因此二人爭吵完後便不了了之。

密密 send微信

雖然冇女友在身邊，但記者當日目睹陳展鵬多次撇甩家人，匿埋一邊 send微信和 send WhatsApp，十分鬼祟。

阿媽催拍拖

早前，本刊拍得陳展鵬和家人到赤柱食飯，當日煎 pang細佬更帶埋女友見媽媽。據知煎 pang除了早年帶過亞姐女友姚嘉雯回家外，再沒有帶過女友見家長，陳媽曾為此哦過煎 pang，催他快些拍拖。

六年情斬纜

這邊廂蒙混過骨，但仍被煎 pang冧到陀陀擰的鍾嘉欣，據知，已打算斬斷與伍允龍六年情。知情人透露：「其實冇煎 pang出現，嘉欣同 Philip（伍允龍）都已經好淡，始終兩個嘅事業愈拉愈遠，兼且兩個各有各空間聚少離多，先俾煎 pang有機可乘啫！」已逐步疏遠舊愛的鍾嘉欣，一心轉投新歡煎 pang懷裏，誰知道遇上情場雜食家，嘉欣 BB呢次真係兩頭唔到岸。周三（ 5日），鍾嘉欣下午四點回電視城拍劇，一聽到記者提到煎 pang個名，即頭也不回直衝入閘，未有回應。至於陳展鵬，本刊連日致電他，但至截稿前仍未有回覆。

鍾嘉欣：同佢（煎 pang）好開心

多得大台多次造就鍾嘉欣和煎 pang合作，二人由熒幕情侶發展至緋聞男女，更多次斷正行埋。每次講起陳展鵬，鍾嘉欣都會甜絲絲說：「同佢合作好開心……都多謝公司，一齊行騷可以搵多啲！」《 FACE》圖片

直衝入閘

周三（ 5日），著上大褸冇化妝的鍾嘉欣，乘的士到達電視城門外，記者上前訪問她時，她一聽到「煎 pang」個名，即急急腳衝入公司。

周三（ 5日），著上大褸冇化妝的鍾嘉欣，乘的士到達電視城門外，記者上前訪問她時，她一聽到「煎 pang」個名，即急急腳衝入公司。

拒嫁伍允龍

鍾嘉欣和打仔伍允龍拍拖六年，感情低調但穩定，直至陳展鵬介入，二人感情隨即現暗湧。早前有周刊報道鍾、伍將於年底結婚，鍾斬釘截鐵回應：「假嘅，流到爆！暫時冇諗過結婚！」

微博示威

鍾嘉欣與陳展鵬正拍新劇《大藥坊》，兩人更不避嫌不時在微博傳情，又上載合照引人聯想。日前兩人拍出海戲，嘉欣又在微博透露「天氣好心情好」。有新歡在身邊的她，心情靚爆。

一炮過買禮頓山

有鋪嗒亞姐癮的煎 pang，除了早前和亞姐冠軍姚嘉雯秘戀外，近半年亦收埋同是亞姐出身的樓茜妮。今年 36歲的樓茜妮，比陳展鵬細一年，生於香港，早前隨家人移居美國，因參選 1999年「亞姐」奪得冠軍和最上鏡小姐入行，在亞視 5年只拍過 6套劇。事業一池死水，反而緋聞多籮籮，而且傳親的，統統是非富則貴的猛人，除了陪林百欣長子林建名出席晚宴而傳緋聞外，更試過與已故中國國家副主席王震之孫 Jason拍拖。

04年她離開亞視，淡出幕前，自稱幫助其父經營珠寶生意。而她現居跑馬地豪宅禮頓山，是 10年以個人名義以 2,180萬購入，該單位現已升值至近 3,000萬，而據資料顯示，她更是一炮過冇做按揭買樓，可見她財力豐厚。