全城熱爆的娛樂八封新聞 & 時事趣聞 & 生活 + 趣聞
前排喺網上失言遭圍攻嘅官恩娜 Ella，佢所屬嘅華納唱片早前搞 party慶新年，主題係要扮壞人！ Ella花咗半日時間扮《 101斑點狗》入面專門捉曬啲狗做皮草嘅壞女人 Cruella。
相似度： 99% Ella扮捉狗壞女人，呢個造型好多人都扮過，煙鬥、斑點狗、爆炸假髮同招牌紅手套齊曬，真係扮得好似。
至於向來唔介意性感嘅連詩雅（ Shiga）就扮《蝙蝠俠》入面嘅罪犯貓女，一身性感打扮，引到唔少同事都要求合照呀。嗱嗱嗱，有圖有真相，大家話邊個扮得似啲先？
連詩雅低胸扮長髮貓女，個貓眼罩自己加工，一身全黑打扮殺死人，不過 Shiga衰在髮型唔似，要扣分！
相似度： 90%
老闆扮海盜 華納同事個個造型都好搞笑，有人扮埃及妖後，連四人幫都扮埋，鬼佬老細（右三）扮海盜入型入格，不過點都係連詩雅嘅低胸、短褲、長 boot貓女 look最性感！
