插圖： Wendy
揞名爆
「大笑姑婆」難服侍
一向都話呢個世界嘅嘢，千祈唔好睇表面！好似嗰啲喺銀幕上好叻搞笑嘅藝人，私底下你同佢相處，往往會發現佢同銀幕係兩個樣。
就講「大笑姑婆」吖，佢喺娛樂圈長做長有，人緣唔錯，不過有幕後人爆料，話幫佢做嘢嘅人就成日受氣嘞！有次拍戲，化妝姐姐按劇本要求幫「大笑姑婆」化咗個濃少少嘅妝，佢只係望一望鏡，就大大聲話：「嘩！乜你化到我成隻狐狸咁！」好鬼惡死，嚇到化妝姐姐即時 say sorry，滴曬汗。另一次呢，髮型師好有心機幫「大笑姑婆」整咗個新髮型，但佢又係望一望，彈出一句：「好肉酸！整過！」髮型師即時青面，真係灰過灰燼。
無計，「大笑姑婆」紅足咁多年，大家惟有硬食，就當「少少苦楚等於激勵」啦！
邊個係「大笑姑婆」？
1.電視出身。
2.唔算靚，但會貪靚去減肥㗎。
|
鍾意就快D Share啦！
|
|
|
