[忽然1周 970] 被迫榮休自組公司 梁家樹挖鎮宇三哥幫拖 鎮宇,苗僑偉,三哥,吳鎮宇,MW,

《衝上雲霄 II》收視叫好， Sam哥吳鎮宇魅力依然，但高層權力鬥爭令他去年在台慶頒獎禮「食白果」，早前開拍電影版，都係由梁家樹出面先𠱁得掂 Sam哥參演。

娛樂喧

被迫榮休自組公司　梁家樹挖鎮宇三哥幫拖

自從王維基的港視出現，大台內憂外患，加上綜藝科總監餘詠珊入主後，令本來只有曾勵珍和樂易玲兩派之爭，變成「餘樂」相爭。近年樂小姐被削權，而其多年戰友金牌戲劇製作總監梁家樹亦受牽連，被調到邵氏電影任高級顧問。

意興闌珊的梁家樹於周五（ 28日）正式離任，不想參與派系鬥爭的他離開大台後，決心自組製作公司，並會力挖三哥（苗僑偉）、吳鎮宇、謝天華及宣萱加盟，在影壇再發雄威。

其他影片

三哥苗僑偉拍劇志在過戲癮，同大台只是以部頭形式合作，與梁家樹份屬多年好友的他大有機會過檔。

在大台服務了 37年的梁家樹（ Tommy），於 2月 28日正式離職。大台每逢有新劇推出或是慶功宴，都會選擇在酒店舉行活動，但金牌監製梁家樹的榮休酒會，竟安排在公司員工飯堂搞，實在是慳皮和欠缺誠意。

三女鼎立

早前傳出樂易玲會被調返大陸管理國內的經理人公司，而旗下梁家樹亦調到邵氏電影部。據知情者說：「眼見餘詠珊日漸坐大，珍姐（曾勵珍）一早鋪定路，依家同餘詠珊企埋同一陣線。咁多年嚟珍姐同樂小姐鬥餐死，依家樂小姐為咗自保，就算明俾人削權都要忍。至於 Tommy（梁家樹）與其俾人調職，不如自己出去搞製作公司啦！嚟緊佢會負責埋《衝上雲霄》電影版呢個 project，之後就會全身而退。」樂易玲因為成功傾掂佘詩曼返娘家拍劇救亡，獲免死金牌，不用被流放國內。

慳皮派對

日前樂易玲親自向各藝員發短訊，通知周三（ 26日）為梁家樹舉行榮休派對。對於一位服務 37載的高層，僅以員工飯堂作為歡送場地，可見大台何其「尊重」！

父女檔上陣

梁家樹早年引薦愛女 Toby梁靖琪入大台拍劇，但發展一般，今次自組公司， Toby當然簽俾老竇一家親啦！

梁家愛將

宣萱私底下叫梁家樹做「契爺」，兩人感情都算深厚。近年北上𢱑銀的她，早前有意與王維基合作，不過現在首選當然是梁家樹的製作公司啦！

梁家樹製作的《學警狙擊》令謝天華彈出，成為新一代師奶殺手，仲殺上大銀幕，拍咗兩套 Laughing Gor電影版，兩人合作無間。

黃智雯與朱晨麗同是港姐出身，亦是梁家樹近年力捧的花旦，這次梁被迫榮休，會唔會影響佢哋嘅星途呢？

新公司挖大台人

梁家樹過去出產的都是有質素劇集和電影，如《衝上雲霄》、《怒火街頭》及《 Laughing Gor之潛罪犯》等，收視口碑都不錯，今次榮休外闖定會有一番作為。

其實自組製作公司是梁家樹一大心願，在圈中人緣甚好的他，會與太太芭姐蕭笑鳴（前無綫藝員部經理）再度聯手。據知梁氏夫婦早已四出相約圈中好友茶敍，為自組製作公司作準備，而吳鎮宇、苗僑偉及謝天華都是目標。知情者說：「 Tommy想拍電影之餘，亦會拍國內劇，所以佢都需要簽啲自己人。三哥同大台只係部頭約，之後會簽俾佢；而鎮宇同佢交情好深，《衝上 II》都係因為 Tommy出面佢先拍。所以一知道 Tommy開公司，鎮宇都話會幫手。宣萱依家未有經理人約， Tommy同佢傾緊細節。至於黃智雯同朱晨麗，佢哋同大台仲有約，要等約滿先走得，聽聞大台知道佢兩個有離心，本來諗住力捧佢哋，依家都要勒住。」

志偉力撐

梁家樹與不少圈中有分量的名人明星都有交情，與曾志偉、苗僑偉更是手帕之交。據知他籌備自組公司，志偉都俾了不少意見。

惡鬥多年

多年來大台的藝員部都是樂易玲與曾勵珍之爭，而梁家樹則被視為樂小姐派，與珍姐大鬥法。這種派系鬥爭，比大台劇集更引人入勝。

王維基的出現，令大台深感壓力，年前邀得餘詠珊助陣，擔任綜藝科總監一職，力捧洪永城、黃翠如等愛將，勢力漸大。

近年傑作

梁家樹近年有不少代表作，其中《學警狙擊》中的 Laughing哥一角，更令謝天華彈出，之後更順勢開拍電影《 Laughing Gor之變節》，開始涉足影壇。

鍾意就快D Share啦！

下一篇 》