[忽然1周 970] 好友撐 A餐 徐濠縈自認：「我係最難『啃』嘅餐！」 徐濠縈,MW,

周一（ 24日）陳奕迅同老婆阿徐難得孖住去時裝活動，佢唔肯講 AB餐，但就話想阿女康堤有細妹陪。「肯雅徐」加油嘞。

媽咪姐

好友撐 A餐　徐濠縈自認：「我係最難『啃』嘅餐！」

「究竟你揀 A餐定 B餐？」成為城中熱話，唔少世姪同媽咪姐講話一定揀 B餐謝安琪，但 A餐「肯雅徐」跑完馬拉松後，又多番啲 fans為佢抱不平，話爛蒲嘅人唔會跑到馬拉松，跑步人都係溫柔嘅。至於阿徐班 friend更加係力撐啦！

不過揀咗 A餐嘅 Eason就點都唔肯回應，而阿徐呢，對所有傳媒封口，就淨係同《忽周》專欄作家鄭紹康講：「我會話我自己係最難『啃』嘅餐，唔係人人『啃』得落㗎！（詳情見 p.133）」都話睇《忽周》先八得最盡啦！

郭偉亮

阿徐唔日日都會隔日跑步，就連飲食都好健康。我有個朋友頸椎痛十幾年，係阿徐介紹佢去做瑜伽，居然好番！一個又跑步又做瑜伽嘅人，點會爛蒲㗎。

葉佩雯

阿徐日日朝早六點幾就起身，送小朋友返學之後就去做運動，又要打理自己公司，佢反而叫我唔好咁多應酬。

蘇永康

阿徐起身去做運動嗰陣，我可能仲未瞓呀！阿徐使乜為自己回應啲乜？歌神太太使乜講咁多呀？

千嬅要健康餐

呢日 Eason舊愛楊千嬅咁啱同場出現，佢話：「嚇？我唔知 A餐定 B餐好喎？總之健康就得，尤其我做咗媽咪，最緊要健康！」唔撐又唔踩，呢個媽咪係高人至真。

鍾意就快D Share啦！

下一篇 》