[忽然1周 970] 婚戒嫌娘嫌普通 Sammi笑安仔交行貨 Sammi,許志安,安仔,鄭秀文,MW,

旅行結婚

Sammi與安仔就香港婚禮已作出決定，為了遷就低調 Sammi，只會兩家人擺幾圍食飯。 Sammi也不會穿婚紗，之後就旅行度蜜月。

娛樂喧

婚戒嫌娘嫌普通　 Sammi笑安仔交行貨

十嫂 Sammi與許志安去年尾在峇里島秘密行禮，對於補擺喜酒和註冊儀式的安排，安仔講到明一切依從老婆主意。

據知，二人會在五月尾擺六圍酒席宴請家人，至於 honey moon則選擇乘郵輪到加勒比海，務求一切從簡。不過在選擇結婚戒指時，卻一波三折。安仔最初選購十多萬的 Hermès戒指，但 Sammi嫌款式普通唔夠矜貴，安仔即時重鎚出擊，豪揼五十多萬購入巨鑽戒指，可惜 Sammi又嫌俗氣唔肯收，更笑安仔交行貨。最後安仔要再買第三次婚戒先收得科。不過結婚一生人一次，等足廿年先娶到 Sammi的安仔，多多錢一樣笑住俾。

其他影片

許志安和鄭秀文情路兜轉 23年，終在去年尾於峇里島結婚。當上一家之主的安仔，對住個身家過億的天後老婆，為免比下去，惟有搏命搵錢。早前以 1,500萬過檔舊僱主黃柏高之餘，更向身邊好友透露：「結緍唔會使老婆一毫子。」

穀生 B

成日俾人話太瘦的 Sammi經常與安仔在戶外跑步穀肥自己，據知安仔十分渴望有小朋友。

煮飯婆

變身「十嫂」的 Sammi，近期愛上煮嘢食，學做賢妻良母。

「行安」交行貨

據知，雙方就婚事籌備得如火如荼，不過二人在選購結婚戒指時，卻一波三折。安仔最初揀中 Hermès價值十多萬的婚戒，可惜 Sammi嫌款式普通唔滿意。知情人透露：「安仔最初揀嘅 Hermès係大路款式， Sammi向來都係 fashion icon，嫌安仔冇花心思。安仔錫 Sammi錫到燶，即刻現兜兜俾五十幾萬買咗隻 Van Cleef& Arpels鑽石戒指。點知 Sammi又嫌太多石，仲話自己唔係啲咁俗氣嘅女人，搞到安仔𢱑曬頭。」老公買極唔啱心水， Sammi事後和友人說起，自己結緍後有新朵叫「十嫂」，他亦要幫安仔改花名叫「行安」，笑他買婚戒交行貨。

汲取之前兩次教訓的安仔，知道老婆向來喜歡簡單有型款式，近日再買第三隻戒指送給 Sammi。雖然今次隻戒指價值只是七萬多元的法國牌子 Boucheron，但款式簡約， Sammi反而十分喜歡，最後撲槌以最平的一款戒指作為婚戒，真係估你唔到。

兄弟冇份

許家想大搞，無奈「十嫂」唔多願，只是兩親家吃餐飯，身為安仔「老死」的 Big 4成員也無份參與。不過相信早已視 Sammi為阿嫂的兄弟都冇乜所謂。

女家作主

許志安雖然家有九兄弟姐妹，不過父母早已不在的他，已視 Sammi父母為摯親，因此婚禮細節都依女家為主。

Out普通

安仔第一隻送的 Hermès戒指， Sammi嫌太普通冇款唔矜貴。

Out俗氣

第二隻價值五十多萬的 Van Cleef& Arpels，全隻戒指鑲滿鑽石， Sammi又嫌太過俗氣。

In夠型

第三隻戒指安仔買了七萬多元的法國牌子 Boucheron Quatre系列，分別由白 K金、黃 K金、碎石等組成， Sammi覺得「型」才肯收下。

唔擺喜酒

一個婚禮買足三隻戒指，不過準新郎為求盡善盡美，就算花七十多萬都在所不計。可是當二人再傾酒席時，安仔和 sammi又出現分歧。由於許志安家族龐大，八個阿哥大部分已結婚生仔，單是親戚已有成百人，因此希望能擺酒大搞。知情人續說：「安仔其實冇所謂，佢預咗結婚要使錢，啲阿哥阿嫂又主張要擺多幾圍請班親戚，不過 Sammi呢方面就想低調啲，唔想擺幾十圍好似做大龍鳳咁。安仔講過一切依從老婆嘅主意，唔想因為結婚搞到有拗撬，最後惟有妥協，只係安排兩邊最親嘅家人，喺酒店擺五、六圍食餐飯就算， Sammi低調到連婚紗都唔打算著。」知情人士續說。

尾站血拼

兩公婆同是「日本癡」，環遊世界旅行度蜜月之後，尾站是日本血拼團，安仔又要「大出血」。

封嘴

記者透過 WhatsApp向安仔問關於戒指及婚禮事宜，他扯開話題指自己糖尿，拒絕回應。

蜜月旅行三大景點

結婚低調進行，度蜜月才是重頭戲。據知安仔、 Sammi打算坐郵輪環遊世界，而二人在上月尾已分別向公司請了五月至七月長假期。郵輪首站先到加勒比海，然後到埃及再到北極睇北極光。至於最後一站，則會返回二人最愛的日本，大血拼一番才返回香港。預計這個蜜月之旅需時個多月。

環球蜜月

Sammi預料與安仔在年中環遊世界個多月度蜜月，她指定要到三大景點，「愛妻號」安仔已著手安排。

加勒比海

Sammi微博 wallpaper（下圖）都係陽光與海灘，她熱愛大自然，安仔已積極託朋友訂最豪華的郵輪，首站由歐洲上船去加勒比海。

埃及

在郵輪玩十多天，二人轉去埃及，因 Sammi未睇過金字塔，所以好想去。

北極

Sammi自小對外星人好好奇，唔少朋友睇過「北極光」話好靚，她得知北極光與外星人傳聞有關，所以她亦想去睇。

鍾意就快D Share啦！

下一篇 》