熱爆娛樂: [忽然1周 989] 樂壇爆家暴　被打 4年心　痛離婚　歌手可嵐：最慘係個仔可嵐,MW,

2014年7月11日星期五

[忽然1周 989] 樂壇爆家暴　被打 4年心　痛離婚　歌手可嵐：最慘係個仔可嵐,MW,

獨家哭訴　聲淚俱下

周一（ 7日），可嵐接受本刊記者訪問，談及四年的婚姻生活，以及兒子的將來，她悲從中來泣不成聲。

打頭陣

樂壇爆家暴　被打 4年心　痛離婚　歌手可嵐：最慘係個仔

08年出道的女歌手可嵐（ Colleen），兩年後忽然奉子成婚，下嫁從事飲食業的圈外男友尤子威，一直以來看似十分恩愛。

最近本刊從教會朋友收到可靠消息，指有女歌手婚後四年間，不時發生家暴事件，需警方上門調停，其丈夫更有普通襲擊與刑事毀壞的前科。據知最嚴重一次發生在上月初，女方被大門夾爆手，

拉扯間女方亦被扯傷頸部。為了人身安全及三歲多兒子的將來，女歌手決定忍痛提出離婚。

日前可嵐被本刊記者問及是否該名事主，她最初避而不談，只表示已交代表律師處理。

其後再問到她是否正辦離婚，她才忍不住心中悲痛哭著說：「最慘係個仔！」

其他影片：>>樂壇爆家暴　可嵐忍足四年
>>忍足四年家暴　可嵐喊住話：最受傷係個仔
>>可嵐奉子成婚前同 G.E.M.拗手胍

近年家暴問題充斥社會，就連娛圈都不例外。上月先有傳內地影星黃奕疑被老公黃毅清打至額頭凹陷，今次則是活躍樂壇的本地女歌手可嵐。

笑容一致

去年 9月，可嵐一家三口在家煮燭光晚餐慶祝結婚三周年，當日笑容一致幸福滿瀉，有誰想到會發生家暴事件。

夾爆手

本刊取得兩張可嵐右手及頸部受傷的照片，當時她正是穿著相中的格仔衫。

扯傷頸

雙方保釋後查

今年 6月 2日，警方接報元朗某村屋單位發生家暴，即派警員到場處理。

當警員趕抵現場，發現屋內有多處被破壞痕跡。報案的女事主滿面淚痕，其右手正在流血，並指有人用門蓄意夾她的手；同場的男事主則聲稱自己亦有傷在身。最後二人往警署落案互告對方傷人，現時仍在保釋期間。

據知該名尤姓男事主，由 2011年到 2012年期間，曾因刑事毀壞及家暴傷人而惹上官非。此案件及後由社工跟進，社工初步評估他有輕度躁狂，需要見心理醫生。

多次報警求助

近年可嵐頻頻返教會，做見證時亦有分享自己的婚姻生活不如意，因為其宗教不主張離婚，故牧師多次叫可嵐忍讓。據教會知情人士透露：「 Colleen（可嵐洋名）拍拖時已知有問題，但因有咗 BB，最後選擇結婚。報警亦唔係新鮮事，只不過 Colleen一直都好維護老公！同佢相熟嘅教會好友，好似劉美娟、雨僑等，都知道佢屋企情況。作為朋友，都會喺背後支持佢。呢幾年佢被經濟封鎖，每個月都係攞基本家用，男方舖頭生意有乜唔如意， Colleen就成為出氣袋。最近一次 Colleen喊曬口同人講話俾人用門夾手，仲要用力 chok咗三下先停手。雖然 Colleen多次提出離婚，但最後因唔想個仔喺單親家庭長大，相信對方會改過而打消念頭。」

當年可嵐在半島結婚擺酒，又在養和醫院生仔，外界都以為她的婚姻生活很美滿，想不到原來四年來她一直啞忍。

據知自上月警方介入事件後，可嵐丈夫一怒之下已搬離一家三口所住的元朗村屋，再沒給家用。事後有人更要求該村屋業主趕走可嵐兩母子，指女方根本再沒經濟能力交租。幸好該業主明白事理，現時暫以預繳的兩個月按金抵銷租金，好讓可嵐有足夠時間另覓新居。

頻撲單親生活

周一（ 7日）早上 11時許，可嵐帶住外傭湊仔放學，見突然下雨，她為兒子穿上雨褸，但她卻冒雨繼續行。

難捨難離

可嵐送兒子到附近的巴士站乘車返元朗寓所，上車前兩母子緊緊擁抱，送車後她仍站在路邊依依不捨。

趕去選拔

整頭化妝後，可嵐現身浙江衞視的《中國好聲音》第三季香港區選拔賽，同場還有譚杏藍（左起）、周美欣及亢帥克。

低頭沉思

之後可嵐再乘地鐵到中環髮型屋，見她在車廂中不時低頭沉思，心事重重。

劉美娟：我知佢經歷

記者致電可嵐教會好友劉美娟，據知多年來她都頗清楚可嵐的生活狀況。劉美娟說：「在於女性角度，鬱手一定唔啱。佢有同我分享過佢嘅經歷，我知佢需要支援，會借個膊頭俾佢挨。佢係好堅強嘅女仔，以後條路會好難行，我哋會支持佢。」

周一（ 7月 7日）早上 11時許，本刊記者在位於太子運動場道的幼稚園，發現一身便服及素顏的可嵐，接三歲多囝囝放學，同行還有一名外傭，三人隨後徒步到相隔幾條街的巴士站等車。可嵐親自送兒子上巴士回家後，再乘地鐵過海到中環 set頭化妝，準備應戰當晚在新蒲崗舉行的《中國好聲音》香港區選拔賽。

教會好友齊撐

劉美娟：

知道佢需要支援，我會借個膊頭俾佢喊!

李綺雯：

如果真係有（家暴），應該離婚。

雨僑：

知道佢唔開心，如果有一個令自己心靈上受苦嘅人，都應該離開。

趙頌茹：

聽聞有鬱手，咁就唔係咁好！

認丈夫有脾氣

本刊記者上前採訪，問及家暴及離婚一事，可嵐起初有所避忌拒絕回應，最後才肯到餐廳坐下接受訪問。

可：可嵐　記：記者

記：我哋收到消息，你同丈夫關係呢幾年來都有問題？

可：可能大家性格不合，係有發生過一啲事，細節唔講得。呢四年嘅婚姻，最受傷害係小朋友。（開始抽搐）我依家一個人照顧個仔，會重新努力工作，其他嘢交俾律師處理。

記：住屋方面係咪出現問題？聽聞你丈夫要求業主趕你走？

可：……我會同屋主溝通下。

記：囝囝有冇受到影響？

可：（眼淚直流）件事對囝囝影響係最大，佢係最慘最無辜！

記：兩父子係咪好耐冇見面？

可：佢哋定時都有見面，佢都好錫個仔。

記：你哋仲有冇聯絡？

可：有，主要係關於個仔嘅事，其他就交俾律師同佢溝通。

記：你丈夫係咪唔止一次對你動手？

可：呢樣我唔方便講。之前嘅事你哋可以去查嚇，兩個人一齊爭執一定有（資料顯示， 2011及 2012年尤子威牽涉入刑事損壞及普通襲擊案件），但今次事件就交曬俾警方處理。

記：由拍拖到結婚，知唔知對方係容易動手嘅人？

可：佢係一個性情中人……係有啲脾氣。

記：今次家暴事件囝囝喺唔喺現場？有冇嚇親？

可：我真係擔心個仔，佢開始大，我做佢媽咪都要保護佢，因為心靈上打擊最大。

主動提出離婚

報喜不報憂

可嵐與丈夫結婚 4年最終離婚收場，但觀其微博卻全是一家三口樂也融融的生活照，甚至有不少夫妻二人甜蜜溫馨的片段。看似開心比苦惱多的可嵐，原來一直對人歡笑背人愁。

訪問至此，記者不禁反問為何明知丈夫脾氣暴躁，可嵐仍三番四次原諒對方。她說：「當初我選擇去建立呢個屋企，同呢個男人一齊係希望可以一世。一直以來都期望對方會改，但最後雙方感情出問題，性格上亦有唔夾嘅地方，依家做咗呢個決定（離婚）都係一件好事。」

反拍記者拒回應

本刊記者於周二（ 8日），前往可嵐丈夫尤子威所開設位於元朗的日本餐廳，欲向他了解有關案件及離婚一事。對方聽罷記者來意，便即場發難，還邊打電話邊追住記者，又反拍記者；及後他還報警要求記者刪除所有相片及短片。現場記者所見，尤生性格的確比較暴躁，亦視報警是等閒事。

出席好友活動

近年可嵐常與丈夫尤子威一起出席教會好友的聚會，並介紹他認識雨僑及周永恆夫婦。

躁男愛報警

周二晚（ 8日），記者前往尤子威元朗的日本料理店，看見他正在內捲壽司。記者上前禮貌地表示想跟他做個訪問，怎知他即時發難。

咬住唔放

記者見尤子威拒絕回應，惟有離開食店。但尤竟然追足九條街，其間兇神惡煞手指指。

浪費警力

尤子威大吵大鬧話要報警，及後兩名警員到場後，認為記者無涉及任何不法行為，但尤繼續死纏警員。翌日，尤更致電《蘋果日報》投訴版，表示要投訴記者，要求刪除所有相片及短片。

暴力有前科

根據資料顯示，尤子威於 2011年及 2012年間，曾牽涉普通襲擊及刑事毀壞。

曾奪 Cash冠軍

現年 28歲的可嵐，原名劉玨琳，畢業於廣州暨南大學廣告系。 08年簽約恆藝亞洲加入樂壇，推出 EP《女生不哭》，同年獲新城勁爆頒獎禮的新登場女歌手獎，更憑主唱〈安全感〉榮獲第 20屆 Cash流行歌曲創作大賽冠軍，之後她專注填詞及本地歌曲創作。 2010年她與拍拖兩年從事飲食業的尤子威奉子成婚，於翌年 4月誕下兒子尤俊。