靚抽王
宇宙最強！進擊的人妻
荒謬現象學
每期荒謬現象學為你解構娛圈嘅不尋常現象！
唔知係因為女權崛起，定係我哋太過無聊，近年出現好多「爆」嘅人妻，乜嘢 A餐 B餐，乜嘢「妻子好與壞，在乎梁太定唐太」，我哋覺得呢啲片面之詞實在太唔客觀等我哋用一個稍為客觀嘅手法嚟分析一下 A-F餐嘅優劣
政界人妻三巨頭
唐太 勝
分析：唐英年太太郭妤淺幫老公硬食僭建、偷食、私生子等嘅醜聞，但係仲一直不離不棄，特殊技能（硬食）方面好高分。即使別人笑佢樣貌似狼英拉低分數，平均嚟講，唐太都算係君子好逑嘅熟女。
董太 負
分析：令人懷念嘅首任特首董建華太太趙洪娉，除咗係一個出色嘅 Rapper， Rap出「千祈千祈千祈，洗手洗手洗手」同埋「 Complain Complain Complain」之外，都冇乜其他長處……呀，仲有，就係佢扮太空人好叻。
梁太 負
分析：唔怕有神一樣嘅對手，只怕有豬一樣的……近日梁太唐青儀為二女割手一事發言，無論係語氣定內容，都被喻為引起公關災難。你想嬲佢，佢又太爆嬲唔落；你想同情佢咩，佢個樣又太惡頂。本以為董太已經係極品（正如當年我哋以為董生已係極品一樣），估唔到真係低處未算低。
藝人妻三巨頭
徐濠縈 勝
分析：正所謂閉起雙眼你最掛念誰，眼睛張開身邊竟是「徐」。雖然有人話謝安琪比徐濠縈好，而佢外貌、智慧呢啲都唔算係太突出，不過陳太喺特殊技能方面確係有突出表現，分別係跑得快，同埋，使錢使得快囉！
唐寧 勝
分析：淨係睇呢幅相，都知道唐寧冇可能會輸，除咗完美嘅外貌，遇到記者時，雖然講唔出乜嘢大道理，但係又展露到令人有親切感嘅友善微笑。最重要嘅係佢俾網友發現，有一邊買餸一邊湊仔嘅特殊技能。嗚呀！你是最好的，你知道嗎？
謝安琪 勝
分析：謝安琪不愧為眾人討論嘅 AB餐，貴為高登巴打嘅女神，佢可以話係人靚聲甜+身材好嘅典範。係，佢對住街外人係有少少寸，不過佢對老公唔會咁嘅！至於佢嘅特殊技能，除咗走音之外，我諗唔到其他嘢。
結論：
爛船都有三斤釘，藝人 3巨頭之所以可以齊齊攞冠軍，好簡單——起碼好睇先啦，唔信你再睇嚇左邊嗰 3個，再望嚇右邊呢 3個？嗱！係唔係呀？
|
鍾意就快D Share啦！
|
|
|